Entertainment News Live Updates 'मेड इन हेवन 2' सीरिजचा ट्रेलर रिलीज
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Ghoomer motion poster: अभिषेक बच्चन आणि सैयामी खेर यांच्या 'घुमर' चं पोस्टर आलं प्रेक्षकांच्या भेटीस
Ghoomer motion poster: बॉलिवूडमधील प्रसिद्ध अभिनेता अभिनेता अभिषेक बच्चनच्या (Abhishek Bachchan) आगामी चित्रपटाची प्रेक्षक उत्सुकतेने वाट बघत आहेत. नुकतेच अभिषेकने त्याच्या घूमर (Ghoomer) या आगामी चित्रपटाचे मोशन पोस्टर सोशल मीडियावर शेअर केले आहे. या पोस्टरमध्ये अभिनेत्री सैयामी खेर (Saiyami Kher) देखील दिसत आहे. अभिषेकनं शेअर केलेल्या घूमर या चित्रपटाच्या पोस्टरनं अनेकांचे लक्ष वेधले आहे.
Jawan Song Zinda Banda: शाहरुखचा जबरदस्त डान्स आणि डॅशिंग लूक; 'जवान' मधील 'जिंदा बंदा' गाणं रिलीज
Jawan Song Zinda Banda: अभिनेता शाहरुख खानच्या (Shah Rukh Khan) जवान (Jawan) या चित्रपटाची गेल्या काही दिवसांपासून सोशल मीडियावर चर्चा होत आहे. या चित्रपटाचा प्रीव्यू काही दिवसांपूर्वी प्रदर्शित झाला. या प्रीव्यूमध्ये शाहरुखचा खास अंदाज प्रेक्षकांना बघायला मिळाला. आता या जवान चित्रपटामधील 'जिंदा बंदा' (Zinda Banda) हे गाणं प्रेक्षकांच्या भेटीस आलं आहे. या गाण्यामध्ये शाहरुख हा अनेक डान्सर्ससोबत डान्स करताना दिसत आहे.
'जिंदा बंदा' या गाण्यात शाहरुखसोबतच सान्या मल्होत्रा, प्रियामणी, गिरिजा ओक, संजीता भट्टाचार्य या अभिनेत्री देखील थिरकताना दिसत आहेत. या गाण्यामध्ये शाहरुख हा रेड शर्ट ब्लॅक पँट आणि गॉगल अशा डॅशिंग लूकमध्ये दिसत आहे. गाण्याच्या शेवटच्या भागात शाहरुख हा व्हाईट शर्ट आणि ब्लॅक पँट अशा लूकमध्ये दिसतो. 'जिंदा बंदा' या गाण्याची कोरिओग्राफी प्रसिद्ध कोरिओग्राफर शोबीनं केली आहे.
Ashok Saraf : अशोक सराफ यांनी केला ज्येष्ठ रंगकर्मींचा कृतज्ञता सन्मान; म्हणाले,"ही मदत नव्हे भेट"
Ashok Saraf : अष्टपैलू अभिनेते अशोक सराफ (Ashok Saraf) यांचा नुकताच 75 वा वाढदिवस साजरा झाला असून त्यानिमित्ताने त्यांचं 'मी बहुरूपी' हे पुस्तक प्रेक्षकांच्या भेटीला आलं. या पुस्तकातून मिळालेला निधी त्यांनी वयोवृद्ध कलावंत आणि रंगमंच तंत्रज्ञ यांना दिला आहे.
OMG2 Trailer: ओएमजी-2 चा ट्रेलर उद्या होणार रिलीज
OMG2 Trailer: नुकतीच अक्षय कुमारनं एक पोस्ट शेअर केली आहे. या पोस्टमध्ये अक्षयनं लिहिलं, 'विश्वास रखने के लिए आभार, ओएमजी-2 चा ट्रेलर उद्या रिलीज होणार आहे.'
View this post on Instagram
'Chandu Champion' सिनेमातील कार्तिक आर्यनचा फर्स्ट लूक आऊट!
Kartik Aaryan Film Chandu Champion First Look : बॉलिवूड अभिनेता कार्तिक आर्यनच्या (Kartik Aaryan) आगामी 'चंदू चैंपियन' (Chandu Champion) या सिनेमातील फर्स्ट लूक आऊट झाला आहे. हा क्रीडा विषयक सिनेमा असून या सिनेमात अभिनेत्याच्या एक वेगळा अंदाज पाहायला मिळणार आहे.
View this post on Instagram
Vaishali Mhade : मी संगीत निवडलं नाही, तर संगीताने मला निवडलं आहे : वैशाली माडे
Vaishali Mhade : लोकप्रिय गायिका वैशाली माडे (Vaishali Mhade) सध्या 'सारेगमप लिटिल चॅम्प्स'मुळे (Saregamapa Little Champs) चर्चेत आहे. 'सारेगमप' या लोकप्रिय कार्यक्रमाची वैशाली स्पर्धक होती. आता 'सारेगपम लिटिल चॅम्प्स' या कार्यक्रमाचं परीक्षण करताना ती दिसणार आहे. दरम्यान "मी संगीत निवडलं नाही, तर संगीताने मला निवडलं आहे", असं वक्तव्य वैशाली माडेने केलं आहे.
Made In Heaven 2 trailer: लग्न, ड्रामा आणि इमोशन्स; बहुप्रतिक्षित 'मेड इन हेवन 2' सीरिजचा ट्रेलर रिलीज
Made In Heaven 2 trailer: मेड इन हेवन (Made In Heaven) या सीरिजला प्रेक्षकांची पसंती मिळाली. मेड इन हेवन ही सीरिज 2019 मध्ये प्रदर्शित झाली. आता या सीरिजचा दुसरा सीझन प्रेक्षकांच्या भेटीस येत आहेत. नुकताच मेड इन हेवन-2 (Made In Heaven 2) या सीरिजचा ट्रेलर प्रेक्षकांच्या भेटीस आला आहे. या ट्रेलरनं अनेकांचे लक्ष वेधले आहे.
View this post on Instagram
Angus Cloud : हॉलिवूड अभिनेता एंगस क्लाउडचं वयाच्या 25 व्या वर्षी निधन
Angus Cloud Passed Away : हॉलिवूड इंडस्ट्रीतून एक वाईट बातमी समोर आली आहे. हॉलिवूड अभिनेता आणि 'यूफोरिया' (Euphoria) फेम एंगस क्लाउडचं निधन (Angus Cloud) झालं आहे. वयाच्या 25 व्या वर्षी त्याने अखेरचा श्वास घेतला आहे. वडिलांच्या मृत्यूच्या धक्क्याने अभिनेत्याने प्राण सोडले आहेत.