Nimrat Kaur: अभिषेकसोबत अफेअरच्या अफवांवर निम्रत कौरचं उत्तर, म्हणाली 'मी काहीही करू शकते..'

अभिषेक बच्चन सध्या निम्रत कोरला डेट करत असल्याचा चर्चाही पेट घेत होत्या. यावर कोणत्याही कलाकारांनी त्यांच्या नात्यावर भाष्य केलं नव्हतं. आता यावर खुद्द निम्रत कौरनंच मौन सोडलं आहे.

bollywood

Source : ABPLIVE AI

Abhishek Nimrat Affair Rumors: बॉलीवूडच्या प्रसिद्ध जोडप्यांपैकी एक असलेलं ऐश्वर्या राय आणि अभिषेक बच्चन हे सध्या त्यांच्या घटस्फोटाच्या आणि अभिषेकच्या अफेअरच्या वावडीने चांगलेच हैराण आहे. या दोघांमध्ये काहीतरी बिनसल्याच्या चर्चा अनेक दिवसांपासून सुरू आहेत. अभिषेक बच्चन सध्या निम्रत कोरला डेट करत असल्याचा चर्चाही पेट घेत होत्या. यावर कोणत्याही कलाकारांनी त्यांच्या नात्यावर भाष्य केलं नव्हतं. आता यावर खुद्द निम्रत कौरनंच मौन सोडलं आहे. एका मुलाखतीत तिने अभिषेकसोबत नाव जोडल्याबद्दल प्रतिक्रिया दिली आहे. 

'मी काहीही करू शकते..' निम्रत कौर

एकीकडे ऐश्वर्या आणि अभिषेकच्या घटस्फोटांच्या चर्चांना ऊत आल्याचे दिसल्यानंतर अभिनेत्री निम्रत कौरचं नाव अभिषेकशी जोडलं गेलं. मिडिया वृत्तानुसार, तिला याविषयी विचारले असता तिनं या सगळ्या बातम्यांवर नाराजी जाहीर केली आहे. ती म्हणाली, मी काहीही करू शकते.. पण लोक त्यांना हवं तेच म्हणतील. अशा प्रकारच्या अफवांना रोखणं इतकं सोपं नाही. मी फक्त माझ्या कामावर लक्ष देणं पसंत करते. 

निम्रता अभिषेकच्या अफवांच्या खबरा आल्या कशा?

दासवी चित्रपटाच्या सेटवर निम्रत कौर आणि अभिषेक बच्चन यांची भेट झाल्याच्या सांगण्यात येत होते. दोघांनीही एकमेकांच्या कामाचे कौतुक केले व त्यानंतर त्यांची मैत्री झाली. दुसरीकडे ऐश्वर्या तिच्या मुलीला घेऊन दुसरीकडे राहायला गेल्याची चर्चा सुरू झाली आणि ऐश्वर्या आणि अभिषेक मध्ये काहीतरी बिन असल्याच्या अफवा इंटरनेटवर व्हायरल होऊ लागल्या. दासवी चित्रपटात निम्रतने अभिषेकच्या पत्नीची भूमिका साकार केली आहे.

अभिषेक-ऐश्वर्याच्या लग्नाबद्दल निम्रत कौर काय म्हणाली?

 'दासवी' या सिनेमाच्या प्रमोशनसाठी बॉलीवूड हंगामाला दिलेल्या मुलाखतीत अभिषेक बच्चनने सांगितले होते की, त्यांच्या लग्नाला नुकतीच 15 वर्षे पूर्ण झाली आहेत आणि हे सांगितल्यानंतर अभिषेकने 'टचवुड' म्हटले होते. हे ऐकून निम्रत अशी एक कमेंट  केली ज्यामुळे अभिषेकही हैराण झाला होता. 'लग्न फार काळ टिकत नाहीत,' असं तिने मिश्किलपणे म्हटलं आण त्यावर ती हसते. तेव्हा अभिषेकही तिला थ्यँक्यू असं म्हणतो आणि त्यावर दोघेही हसायला लागतात.

अभिषेकने निम्रतसमोरच केलं होतं ऐश्वर्याचं कौतुक

त्याचवेळी एका मुलाखतीदरम्यान अभिषेक बच्चनने निम्रत कौरसमोर पत्नी ऐश्वर्याचे कौतुक केले होते. अभिषेक म्हणाला होता, 'माझी पत्नी या बाबतीत एक्स्ट्रा ऑर्डिनरी आहे. ती मला नेहमीच आधार देत आली आहे. मी खूप भाग्यवान आहे, माझे संपूर्ण कुटुंब आहे. ऐश्वर्याही याच क्षेत्रात काम करते त्याच्यामुळे तिच्यासारखा जोडीदार मिळणं माझ्यासाठी सगळ्यात चांगली गोष्ट आहे. ती माझ्यापेक्षा आधीपासून इंडस्ट्रीमध्ये काम करतेय. त्यामुळे तिला जगाची माहिती आहे.