(Source: ECI/ABP News/ABP Majha)
Dharmaveer 2 : धर्मवीर 2 चित्रपटाच्या प्रीमिअरला उद्धव ठाकरेंची हजेरी? निर्माते मंगेश देसाई स्पष्टच म्हणाले...
Dharmaveer 2 Movie Premiere : 'धर्मवीर 2' चित्रपटाच्या प्रीमिअरला उद्धव ठाकरे यांना बोलावणार का असा सवाल निर्माते मंगेश देसाई यांना विचारण्यात आला. यावर त्यांनी स्पष्ट उत्तर दिलं आहे.
मुंबई : बहुचर्चित आणि बहुप्रतिक्षित 'धर्मवीर 2' चित्रपटाचा ट्रेलर (Dharmaveer 2 Trailer) नुकताच प्रदर्शित झाला आहे. धर्मवीर चित्रपटाच्या सीक्वेलच्या घोषणा झाल्यापासूनच या चित्रपटाची सर्वांना आतुरता लागली होती. शिवसेनेचे दिवंगत नेते आणि ठाणे जिल्हाप्रमुख आनंद दिघे यांच्या जीवनावर आधारित धर्मवीर चित्रपटाची प्रेक्षकांना प्रचंड उत्सुकता होती. आता धर्मवीर चित्रपटाचा ट्रेलरसमोर आला आहे. 'धर्मवीर 2' चित्रपटाचा ट्रेलर प्रचंड चर्चेत आहे. या ट्रेलरला एक कोटी व्ह्यूज मिळाले आहेत. दरम्यान, या चित्रपटाच्या निमित्ताने निर्माते मंगेश देसाई यांना उद्धव ठाकरे (Uddhav Thackeray) यांच्याबद्दल प्रश्न विचारण्यात आला.
धर्मवीर 2 च्या प्रीमिअरला उद्धव ठाकरेंना बोलावणार?
धर्मवीर 2 चित्रपटाचा दमदार ट्रेलर शनिवारी लाँच करण्यात आला आहे. या ट्रेलर लाँचच्या कार्यक्रमाला राज्याचे मु्ख्यमंत्री एकनाथ शिंदे, उपमुख्यमंत्री देवेंद्र फडणवीस उपस्थित होते. त्यांच्यासह ज्येष्ठ अभिनेते अशोक सराफ, बॉलिवूडचा भाईजान सलमान खान हेही उपस्थित होते. धर्मवीर 2 च्या ट्रेलरला चाहत्यांचा चांगला प्रतिसाद मिळत आहे. या चित्रपटाच्या प्रीमियरला उद्धव ठाकरे यांना बोलावणार का असा प्रश्न निर्माते मंगेश देसाई यांना विचारण्यात आला, त्यावर त्यांनी स्पष्ट उत्तर दिलं आहे.
निर्माते मंगेश देसाई म्हणाले...
धर्मवीर 2 चित्रपट 9 ऑगस्टला चित्रपटगृहात प्रदर्शित होणार आहे. हा चित्रपट शिवसेनेचे दिवंगत ठाणे जिल्हाप्रमुखे आनंद दिघे यांच्या जीवनावर आधारित असल्याने त्याच्या प्रीमियरला उद्धव ठाकरे यांना बोलावणार का असा प्रश्न निर्माते मंगेश देसाई यांना विचारला असता, त्यांनी स्पष्ट सांगितलं की, 'त्यांनी सिनेमा बघावा, अशी माझी इच्छा आहे.' महाराष्ट्र टाईम्सच्या 'मटा कट्टा' या कार्यक्रमात त्यांनी हे वक्तव्य केलं आहे.
धर्मवीर 2 चित्रपटाचा दमदार ट्रेलर पाहा
View this post on Instagram
धर्मवीर 2 चित्रपट 100 कोटी कमाई करण्याची अपेक्षा
प्रवीण तरडे धर्मवीर चित्रपटाच्या पहिल्या भागाने बॉक्स ऑफिसवर दमदार कमाई केली होती. धर्मवीर चित्रपटाने 50 कोटींची कमाई केली होती. आता धर्मवीर-2 चित्रपट 100 कोटी कमाई करण्याची अपेक्षा आहे. धर्मवीर-2 चित्रपट 9 ऑगस्ट रोजी प्रेक्षकांच्या भेटीला येणार आहे. या चित्रपटात प्रसाद ओक पुन्हा एकदा मुख्य भूमिकेत झळकणार आहे.
महत्त्वाच्या इतर बातम्या :
Kalki 2898 AD : 'कल्की 2898 एडी'च्या दुसऱ्या भागातून दीपिकाचा पत्ता कट? प्रभासकडून मोठा खुलासा
महत्त्वाच्या बातम्या
ट्रेंडिंग न्यूज
