Chinmay Mandlekar ON CJP Protest: 'वांगचुक यांच्याबद्दल फारशी माहिती नाही, श्रीरामांच्या नावाची..' चिन्मय मांडलेकरच्या पोस्टची चर्चा; म्हणाला..
मराठी अभिनेता चिन्मय मांडलेकर या सगळ्यावर व्यक्त झालाय. सोशल मीडियावर शेअर वेलेल्या त्याच्या पोस्टची सध्या चर्चा आहे.
Marathi Actor On CJP protest Delhi: नीट पेपरफुटीच्या मुद्यावरुन केंद्रीय शिक्षणमंत्री धर्मेंद्र प्रधान यांच्या राजीनाम्यासाठी दिल्लीतील जंतरमंतरवर कॉकरोच जनता पार्टीच्या आंदोलनाला देशभरातील तरुण तरुणींचा मोठा पाठिंबा मिळताता दिसतोय.अभिजीत दिपके यांनी केंद्रीय शिक्षणमंत्री धर्मेंद्र प्रधान यांच्या राजीनाम्याशिवाय माघार घेणार नसल्याचं म्हटलं आहे. या आंदोलनाला अनेक दिग्गज कलाकार, सेलिब्रिटींची साथ मिळालीय. सोमवारी या आंदोलनात दिल्ली पोलिसांकडून लाठीचार्ज करण्यात आलेला. आता या आंदोलकांसोबत सरकारने चर्चेसाठी हात पुढे केलाय. दरम्यान, मराठी अभिनेता चिन्मय मांडलेकर या सगळ्यावर व्यक्त झालाय. सोशल मीडियावर शेअर केलेल्या त्याच्या पोस्टची सध्या चर्चा आहे.
चिन्मय मांडलेकर नेमकं काय म्हणाला?
'मी झुरळ नाही. मी एक अभिमानी भारतीय आहे.मला वांगचुक यांच्याबद्दल फारशी माहिती नाही. पण श्रीरामांच्या नावाची खिल्ली उडवणाऱ्या त्या विनोदी कलाकाराच्या विनोदावर मला हसू येत नाही आणि 'तुकडे गँग' म्हणून ओळखल्या जाणाऱ्या कोणत्याही विचारसरणीला किंवा घटकांना मी पाठिंबा देत नाही. कर्तव्यावर असलेल्या पोलिसाला मारहाण करणे अजिबात स्वीकारार्ह नाही. पण...निःशस्त्र विद्यार्थ्यांना मारहाण करणे संतापजनक आहे! त्यांच्या रास्त मागण्यांकडे दुर्लक्ष करणेही तितकेच संतापजनक आहे! आणि हे बोलल्यामुळे तुम्ही मला अनफॉलो करत असाल, तर माझ्या मित्रांनो, देव तुमचं भलं करो.भारत माता की जय!जय हिंद' अशी पोस्ट त्याने केलीय.
View this post on Instagram
चिन्मय मांडलेकरची पोस्ट सध्या व्हायरल होत आहे. या पोस्टवर संमिश्र प्रतिक्रिया मिळत असल्याचं पाहायला मिळत आहे. दरम्यान, आता नीट पेपरफुटीचा मुद्दा कुठवर जाणार? हे पाहणं महत्त्वाचं ठरणार आहे.हे आंदोलन आता केवळ भारतापुरते मर्यादित राहिलेले नसून त्याला परदेशातूनही मोठा पाठिंबा मिळत आहे. आंदोलनाच्या समर्थनासाठी अनेक नामवंत कलाकारांनी प्रत्यक्ष आंदोलनस्थळी उपस्थिती लावली, तर काहींनी सोशल मीडियावर पोस्ट शेअर करत आपली भूमिका स्पष्ट केली आणि आंदोलनाला समर्थन दिले. काहींनी विरोधही केला. अनेकांनी गप्प बसण्यात धन्यता मानली. दरम्यान, आता नीट पेपरफुटीचा मुद्दा कुठवर जाणार? हे पाहणं महत्त्वाचं ठरणार आहे.
महत्त्वाच्या बातम्या
