Varun Dhawan: VD18 च्या शूटिंगदरम्यान वरुण धवन चौथ्यांदा जखमी; पायाला झाली दुखापत

Varun Dhawan Injured At VD18 Set: वरुणनं त्याच्या पायाचा फोटो सोशल मीडियावर शेअर केला आहे.  वरुण धवन हा VD 18 या चित्रपटाच्या सेटवर चौथ्यांदा जखमी झाला आहे.

Varun Dhawan

Varun Dhawan Injured At VD18 Set: बॉलिवूडमधील प्रसिद्ध अभिनेता वरुण धवन (Varun Dhawan) आणि दाक्षिणात्य चित्रपटसृष्टीतील प्रसिद्ध दिग्दर्शक अॅटली कुमारच्या 'VD 18' या चित्रपटाच्या शूटिंगमध्ये व्यस्त आहे. या चित्रपटाचे शूटिंग केरळमध्ये सुरू आहे. चित्रपटाच्या शूटिंगदरम्यान, वरुणच्या पायाला दुखापत झाली आहे. वरुणनं त्याच्या पायाचा फोटो सोशल मीडियावर शेअर केला आहे.  वरुण धवन हा VD 18 या चित्रपटाच्या सेटवर चौथ्यांदा जखमी झाला आहे.

वरुणनं शेअर केला पायाचा फोटो (Varun Dhawan Injured)

वरुण धवनने नुकताच त्याच्या पायाचा फोटो इंस्टाग्रामवर  शेअर केला आहे. यामध्ये त्याच्या पायावर पट्टी बांधलेली दिसत आहे. या फोटोला वरुणनं कॅप्शन दिलं, 'शूटवरील आणखी एक दिवस... vd18.' वरुणने ऑगस्टमध्ये या चित्रपटाच्या शूटिंगला सुरुवात केली. शूटिंग सुरू झाल्यानंतर दुसऱ्याच दिवशी तो सेटवर जखमी झाला होता.

वरुण धवन सप्टेंबरमध्ये 'VD 18' च्या शूटिंगदरम्यान जखमी झाला होता. सेटवर वरुणच्या पायाला दुखापत झाली. तसेच वरुणला काही दिवसांपूर्वी देखील पायाला दुखापत झाली होती. आता पुन्हा वरुणच्या पायाला दुखापत झाली आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by VarunDhawan (@varundvn)

कधी रिलीज होणार VD 18?

VD 18 या चित्रपटात वरुणसोबत कीर्ती सुरेश आणि वामिका गब्बी देखील प्रमुख भूमिका साकारणार आहे, असं म्हटलं जात आहे.  मार्च 2024 मध्ये हा चित्रपट चित्रपटगृहात दाखल होईल,असा अंदाज लावला जात आहे. पण अजून  VD 18 या चित्रपटाची रिलीज डेट अजून जाहीर करण्यात आलेली नाही. 'VD 18' हा तमिळ चित्रपट 'थेरी'चा रिमेक आहे.

'VD 18' या चित्रपटाच्या व्यतिरिक्त वरुण हा 'Citadel India' या वेब सीरिजमधून देखील प्रेक्षकांच्या भेटीला येणार आहे. 'VD 18'  या चित्रपटाद्वारे वरुण हा पहिल्यांदाच अॅटलीसोबत काम करत आहे. याआधी अॅटलीचा 'जवान' हा चित्रपट प्रदर्शित झाला होता ज्यामध्ये शाहरुख खान मुख्य भूमिकेत दिसला होता. हा चित्रपट बॉक्स ऑफिसवर ब्लॉकबस्टर ठरला. आता अॅटलीच्या VD 18 या चित्रपटाला प्रेक्षकांची पसंती मिळणार का? याकडे अनेकांचे लक्ष लागले आहे.

संबंधित बातम्या: