Sharad Pawar MP Will Meet Pm Modi : भेटीगाठींचा सिलसिला, पवारांचा काय फैसला? Special Report

उद्या दिल्लीत एक महत्त्वाची बैठक होतेय... शरद पवारांच्या राष्ट्रवादीचे सर्व आठ आमदार पंतप्रधान नरेंद्र मोदी यांची भेट घेणार आहेत. संसदेच्या पावसाळी अधिवेशनात शेवटचे चार दिवस उरले असताना मतदारसंघ फेररचनेसाठी आवश्यक घटनादुरुस्तीचं काय, असा प्रश्न विचारला जातोय... त्यामुळे उद्याच्या या बैठकीला महत्त्व प्राप्त झालंय. त्यातच आज पवारांच्या राष्ट्रवादीचे ज्येष्ठ नेते जयंत पाटील यांनी मुख्यमंत्र्यांसोबत एकत्र प्रवास केल्यामुळे अनेकांच्या भुवया उंचावल्या गेल्यात... बघुयात गल्लीपासून दिल्लीपर्यंत सुरू असलेल्या राजकारणावर हा स्पेशल रिपोर्ट... 

शरद पवारांच्या राष्ट्रवादीचं चाललंय काय?
आठ खासदार सोमवारी पंतप्रधानांना भेटणार 

भेटीगाठींच्या टायमिंगवर मित्रपक्षांना शंका... 

संसदेच्या पावसाळी अधिवेशनाचा शेवटचा आठवडा सोमवारपासून सुरू होतोय... मतदारसंघ फेररचनेशी संबंधित  घटनादुरुस्ती विधेयक याच अधिवेशनात आणायचं असेल तर आता शेवटचे चार दिवस सरकारच्या हातात आहेत... या विधेयकासाठी सरकारनं दोन तृतीयांश बहुमताची बेगमी केल्याचा दावा केला जात असताना... शरद पवारांच्या राष्ट्रवादी काँग्रेसचे सर्व खासदार सोमवारी पंतप्रधान नरेंद्र मोदींची भेट घेतील.

मतदारसंघांमधले प्रश्न मांडण्यासाठी पंतप्रधानांची भेटीसाठी वेळ मागितल्याचं खासदार सुप्रिय सुळे यांनी स्पष्ट केलं... 

मात्र मतदारसंघांच्या प्रश्नावर मंत्र्यांऐवजी थेट पंतप्रधानांना भेटण्यासारखं काय घडलंय, असा प्रश्न काहीजण उपस्थित करतायत... 

पवारांच्या राष्ट्रवादीचे मित्रपक्षदेखील या भेटीगाठींबाबत साशंक असल्याचं दिसतंय...