Mrunal Thakur on Dating: मृणाल ठाकूर 'या' क्रिकेटरला करतेय डेट? नक्की खरं काय? अभिनेत्रीने सोडलं मौन, म्हणाली...
Mrunal Thakur Breaks Silence:मृणाल ठाकूर आणि यशस्वी जयस्वाल यांच्या कथित डेटिंग अफवांवर अभिनेत्रीने सोडलं मौन.
Mrunal Thakur Breaks Silence on Dating: मनोरंजन विश्व आणि क्रीडा विश्व यांच्यात नेहमीच एक घानिष्ठ संबंध राहिलेले आहेत. अनेक अभिनेत्रीने आतापर्यंत अनेक क्रिकेटपटूंशी लग्न करून संसार थाटला आहे. तर काही अभिनेत्री हे क्रिकेटपटूंना डेट करत असल्यामुळे चर्चेत आहेत. गेल्या काही दिवसांपासून मृणाल ठाकूरच्या (Mrunal Thakur) वैयक्तिक आयुष्याबाबत चर्चा सुरु आहेत. अभिनेत्री आपल्याहुन 10 वर्षांखालील क्रिकेटपटूला डेट करत असल्याची चर्चा रंगली होती. मृणाल ठाकूरचे नाव भारतीय क्रिकेटपटू यशस्वी जयस्वाल (Yashasvi Jaiswal) याच्यासोबत जोडण्यात येत होते. आता या सर्व प्रकरणावर मृणाल ठाकूरने मौन सोडले असल्याचं बोललं जात आहे.
मृणाल आणि यशस्वी या दोघांमधील नात्याची केव्हापासून चर्चा सुरु झाली? (Mrunal Thakur Breaks Silence on Dating Rumours With Cricketer)
काही काळापूर्वी अभिनेत्री मृणाल ठाकूर आणि क्रिकेटपटू यशस्वी जयस्वाल हे दोघेही मुंबईतील एका कॅफेमधून बाहेर पडताना दिसले. त्यांचे फोटो आणि व्हिडीओ सोशल मीडियावर तुफान व्हायरल झाले. दोघांच्या रिलेशनशिपची चर्चा रंगू लागली. दोघेही एकमेकांना डेट करत असल्याचं बोललं जात होतं. एका व्हायरल व्हिडीओ आणि फोटोमुळे दोघेही एकमेकांना डेट करत असल्याच्या चर्चा सुरु झाल्या. या चर्चांमुळे मनोरंजनसह क्रीडा विश्वात खळबळ उडाली.
दरम्यान, आता मृणाल ठाकुरच्या प्रोफाइलमधील एका कमेंटमुळे या सर्व चर्चांना अधिक उधाण आलं आहे. यात तिने क्रिकेटपटू यशस्वी जयस्वालसोबतच्या नात्यावर भाष्य केलं असल्याचं बोललं जात आहे. व्हिडीओतील कमेंटमध्ये अभिनेत्रीने लिहिले की, ' अरे ब्रो रिलॅक्स...शोमध्ये एकत्र कुठे? काय यार.. एवढं तुम्ही शिकेलेले असूनही तुम्ही या अफवांवर विश्वास ठेवत आहात. देशात सध्या काय काय सुरु आहे. Gen झींकडून काहीतरी शिका. सत्य आणि खऱ्या मुद्द्यांवर व्हिडीओ तयार करा. जास्त व्हूयुज मिळतील'.
दरम्यान, व्हायरल होत असलेल्या व्हिडीओवर आता मृणाल ठाकूरची कमेंट दिसत नाहीये. परंतु, मृणाल ठाकूरने केलेली कमेंट सोशल मीडियात तुफान व्हायरल होत आहे. मृणाल ठाकूरच्या कमेंटच्या स्क्रिनशॉटची चर्चा होत आहे. पण व्हायरल होत असलेली कमेंट खरंच मृणालने केली होती का? की फेक कमेंट व्हायरल होत आहे. हे अद्याप समोर आलेलं नाही. या आधी मृणाल ठाकूरचं नाव साऊथ अभिनेता धनुषसोबत जोडलं गेलं होतं. पण त्यांच्या जवळच्या व्यक्तींनी अफवा असल्याचं म्हणत या बातमीचं खंडन केलं.
महत्त्वाच्या इतर बातम्या:
महत्त्वाच्या बातम्या
