Salman Khan on Tiger 4 : वर्ल्ड कप फायनल दरम्यान सलमानने दिली 'टायगर 4'ची हिंट; भाईजान म्हणाला,"प्रतीक्षा करा"

Salman Khan : सलमान खानने विश्वचषकाच्या अंतिम सामन्यादरम्यान 'टायगर 4' (Tiger 4) सिनेमाबद्दल भाष्य केलं आहे.

Salman Khan

Salman Khan on Tiger 4 : बॉलिवूड अभिनेता सलमान खान (Salman Khan) सध्या 'टायगर 3' (Tiger 3) या सिनेमामुळे चर्चेत आहे. लवकरच हा सिनेमा प्रेक्षकांच्या भेटीला येणार आहे. आता वर्ल्ड कप फायनलदरम्यान (World Cup 2023 Final) अभिनेत्याने 'टायगर 4' (Tiger 4) या सिनेमाबद्दल भाष्य केलं आहे.

सलमान खानचा 'टायगर 3' हा सिनेमा बॉक्स ऑफिसवर धमाकेदार कामगिरी करत आहे. आता भाईजानने 'आयसीसी विश्व चषक 2023'च्या अंतिम सामन्यादरम्यान आपल्या सिनेमाचं प्रमोशन केलं. त्यावेळी अभिनेत्री कतरिना कैफदेखील (Katrina Kaif) उपस्थित होती. भारत विरुद्ध ऑस्ट्रेलिया (IND Vs Aus) सामन्यादरम्यान सलमानने 'टायगर 4' या सिनेमाबद्दल भाष्य केलं. त्याचा व्हिडीओ सध्या सोशल मीडियावर व्हायरल होत आहे.

'टायगर 4'बद्दल सलमान खान म्हणाला...

सलमान खान (Salman Khan), कतरिना कैफ (Katrina Kaif) आणि इमरान हाशमी (Emraan Hashmi) यांच्या 'टायगर 3' या सिनेमानंतर 'टायगर 4'ची चर्चा सुरू झाली आहे. आता यासंदर्भात एक नवी अपडेट समोर आली आहे. वर्ल्ड कप फायनल दरम्यान सलमान खान म्हणाला,"टायगर 1' पासून 'टायगर 3'पर्यंतचे सिनेमे पाहिलेत ना..आता 'टायगर 4'ची प्रतीक्षा करा". सलमान खानच्या या व्हिडीओनंतर 'टायगर 4'च्या चर्चांना सुरुवात झाली आहे. भाईजानचा व्हिडीओ सोशल मीडियावर व्हायरल होत आहे. 

#katrinakaif has all praises for her neighbor #ViratKohli𓃵 & @BeingSalmanKhan CONFIRMS #tiger4 !!!! So much in one single clip 😍😍 love how kk's favorite is #ViratKohli𓃵 !!! ❤️❤️❤️ #INDvsAUS pic.twitter.com/QicFQlFSWS

— sanghamitra 🇮🇳 (@sanghamitra_4) November 19, 2023

सलमानच्या 'टायगर 3'चा बॉक्स ऑफिसवर बोलबाला (Tiger 3 Box Office Collection)

'टायगर 3' हा सिनेमा बॉक्स ऑफिसवर धमाकेदार कामगिरी करत आहे. 12 नोव्हेंबर 2023 रोजी प्रदर्शित झालेल्या या सिनेमाची क्रेझ रिलीजच्या नवव्या दिवशीही कायम आहे. सलमान आणि कतरिनाची क्रेमिस्ट्री प्रेक्षकांच्या पसंतीस उतरली आहे.

'टायगर 3' या सिनेमाने रिलीजच्या पहिल्या दिवशी 44.5 कोटींची कमाई केली. दुसऱ्या दिवशी 59.25 कोटी, तिसऱ्या दिवशी 44.3 कोटी, चौथ्या दिवशी 21.1 कोटी, पाचव्या दिवशी 18.5 कोटी, सहाव्या दिवशी 13.25 कोटी, सातव्या दिवशी 18.5 कोटी, आठव्या दिवशी 10.5 कोटी आणि नवव्या दिवशी 6.50 कोटींची कमाई केली आहे. एकंदरीतच रिलीजच्या नऊ दिवसांत या सिनेमाने भारतात 236.43 कोटींची कमाई केली आहे. तर जगभरात या सिनेमाने 373 कोटींचा गल्ला जमवला आहे. 400 कोटींच्या दिशेने सिनेमाची वाटचाल सुरू आहे. 

संबंधित बातम्या