Tiger 3 Box Office Collection: टायगरची बॉक्स ऑफिसवर डरकाळी; सलमानच्या चित्रपटानं रिलीजच्या पहिल्या दिवशीच तोडले 'हे' रेकॉर्ड्स

Tiger 3 Box Office Collection: सलमानच्या टायगर-3 या चित्रपटानं बॉक्स ऑफिसवरील कोणकोणते रेकॉर्ड्स तोडले आहेत? याबद्दल जाणूम घेऊयात...

Tiger 3 Box Office Collection

Tiger 3 Box Office Collection:  सलमान खान (Salman Khan) आणि अभिनेत्री कतरिना कैफ (Katrina Kaif ) यांचा टायगर-3 (Tiger 3) हा चित्रपट सध्या चर्चेत आहे. हा चित्रपट काल  (12 नोव्हेंबर)  रिलीज झाला. पहिल्याच दिवशी या चित्रपटानं बॉक्स ऑफिसवर धुमाकूळ घातला आहे. या चित्रपटानं बॉक्स ऑफिसवर रेकॉर्ड ब्रेक कमाई केली आहे. सलमानच्या टायगर-3 या चित्रपटानं बॉक्स ऑफिसवरील कोणकोणते रेकॉर्ड्स तोडले आहेत? याबद्दल जाणूम घेऊयात

टायगर-3 चे ओपनिंग-डे कलेक्शन (Tiger 3 Box Office Collection)

सलमान खानच्या टायगर-3  या चित्रपटानं ओपनिंग-डेला  44.5 कोटी रुपयांचे कलेक्शन केलं आहे. बॉक्स ऑफिस वर्ल्डवाईडच्या माहितीनुसार, टायगर-3 या चित्रपटाच्या हिंदी व्हर्जननं 43 कोटींची कमाई केली आहे. तर इतर भाषांमध्ये या चित्रपटानं 1.50 कोटींची कमाई केली आहे.

दिवाळीत सर्वाधिक कमाई करणारा हिंदी चित्रपट

टायगर-3 या चित्रपटानं ओपनिंग-डेला बॉक्स ऑफिसवरील काही रेकॉर्ड्स तोडले आहे. जाणून घेऊयात टायगर-3 या चित्रपटानं तोडलेल्या रेकॉर्ड्सबद्दल-

• बॉक्स ऑफिस वर्ल्डवाईडच्या माहितीनुसार,टायगर-3 हा चित्रपट दिवळीत सर्वाधिक कमाई करणारा हिंदी चित्रपट ठरला आहे. सलमानच्या करिअरमधील ओपनिंग-डेला सर्वाधिक कमाई करणारा हा चित्रपट ठरला आहे. 
• टायगर-3  हा चित्रपट टायगर फ्रँचाइजीमधील ओपनिंग-डेला सर्वाधिक कमाई करणारा चित्रपट आहे.
• याआधी दिवाळीला रिलीज झालेल्या चित्रपटांपेक्षा तीन पटीनं जास्त कमाई टायगर-3 चित्रपटानं ओपनिंग-डेला केली आहे.

शाहरुखचा रेकॉर्ड तोडू शकला नाही टायगर

टायगर-3 हा चित्रपट शाहरुखच्या पठाण  आणि जवान  या चित्रपटांच्या ओपनिंग-डेचा रेकॉर्ड तोडू शकला नाही. पठाण या चित्रपटानं ओपनिंग-डेला (57 कोटींची कमाई केली होती तर जवान या चित्रपटानं ओपनिंग-डेला 75 कोटींची कमाई केली होती. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Katrina Kaif (@katrinakaif)

 टायगर 3 चित्रपटाचे दिग्दर्शन मनीष शर्मा यांनी केले आहे. हा YRF च्या  स्पाय युनिव्हर्सचा एक भाग आहे.  या चित्रपटात सलमान खान,कतरिना कैफ  आणि इमरान हाश्मी यांनी प्रमुख भूमिका साकारली आहे. सोमवारी (13 नोव्हेंबर) 'टायगर 3' चित्रपटाच्या कमाई आणखी वाढ होईल, असा अंदाज लावला जात आहे.

इतर महत्वाच्या बातम्या: