Tiger 3 Box Office Collection: भाईजानच्या 'टायगर-3' चा बॉक्स ऑफिसवर धमाका; पहिल्या दिवशी केली छप्परफाड कमाई, सनीच्या गदर-2 ला टाकले मागे
Tiger 3 Box Office Collection: टायगर-3 या चित्रपटाचा फर्स्ट डे फर्स्ट शो अनेक प्रेक्षकांनी पाहिला. या चित्रपटाचं ओपनिंग-डे कलेक्शन जाणून घेऊयात...
Tiger 3 Box Office Collection: बॉलिवूडचा भाईजान सलमान खान (Salman Khan) आणि अभिनेत्री कतरिना कैफ (Katrina Kaif ) यांचा टायगर-3 (Tiger 3) हा चित्रपट काल (12 नोव्हेंबर) प्रेक्षकांच्या भेटीला आला आहे. या चित्रपटाचा फर्स्ट डे फर्स्ट शो अनेक प्रेक्षकांनी पाहिला. अनेकांनी या चित्रपटाचा रिव्ह्यू देखील सोशल मीडियावर शेअर केला. टायगर-3 हा चित्रपट पहिल्या दिवशी किती कमाई करणार? असा प्रश्न अनेकांना पडला असेल. आता सलमान खानच्या या चित्रपटाच्या पहिल्या दिवसाच्या कमाईचे आकडे समोर आले आहेत. टायगर-3 या चित्रपटाचं ओपनिंग-डे कलेक्शन जाणून घेऊयात...
टायगर-3 ची दणक्यात सुरुवात (Tiger 3 Box Office Collection)
टायगर-3 या चित्रपटाची रिलीज होण्याआधी पासूनच चर्चा होती. या चित्रपटात टायगरच्या भूमिकेत सलमान खानला आणि झोयाच्या भूमिकेत कतरिना कैफला पुन्हा पाहण्यासाठी चाहते खूप उत्सुक होते. Sacnilk च्या सुरुवातीच्या ट्रेंड रिपोर्टनुसार, 'टायगर 3' ने रिलीजच्या पहिल्या दिवशी 44.5 कोटी रुपयांचे कलेक्शन केलं आहे.
टायगर-3 या चित्रपटाच्या हिंदी व्हर्जननं 43.2 कोटी रुपयांची कमाई केली. तर तेलगूमध्ये या चित्रपटाने 1.15 कोटी रुपये कमावले. चित्रपटाच्या तमिळ व्हर्जननं 15 लाख रुपयांचे कलेक्शन केलं आहे.
सनीच्या गदर-2 ला टाकले मागे (Gadar 2)
'टायगर 3' चित्रपटाने रिलीजच्या पहिल्याच दिवशी बॉक्स ऑफिसवर जबरदस्त कमाई केली आहे. या चित्रपटाने ओपनिंग-डेला सनी देओलच्या 'गदर 2' या चित्रपटाचा रेकॉर्ड मोडला आहे. 'टायगर 3' ने रिलीजच्या पहिल्या दिवशी 44.5 कोटी रुपयांची कमाई केली आहे, तर 'गदर 2'ची पहिल्या दिवशी 40.10 कोटी रुपयांची कमाई केली.
शाहरुख खान आणि हृतिक रोशनचा जबरदस्त कॅमिओ (Shah Rukh Khan And Hrithik Roshan)
सोमवारी (13 नोव्हेंबर) 'टायगर 3' चित्रपटाच्या कमाई वाढ होईल, असा अंदाज लावला जात आहे. टायगर 3 चित्रपटाचे दिग्दर्शन मनीष शर्मा यांनी केले आहे. हा YRF च्या स्पाय युनिव्हर्सचा एक भाग आहे. या चित्रपटात सलमान खान आणि कतरिना कैफ यांच्या अॅक्शन सीन्सशिवाय शाहरुख खान आणि हृतिक रोशनचा कॅमिओ देखील आहे. 'टायगर 3' चित्रपटामधील शाहरुख खानच्या एन्टीवर प्रेक्षक टाळ्या आणि शिट्या वाजवत आहेत. 'टायगर 3' चित्रपटामधील शाहरुख खानच्या एन्ट्री सीनचा व्हिडीओ सोशल मीडियावर व्हायरल देखील झाला आहे. 'टायगर 3' चित्रपटामधील इमरान हाश्मीच्या (Emraan Hashmi) अभिनयाचं देखील अनेकजण कौतुक करत आहेत.
इतर महत्वाची बातमी :
महत्त्वाच्या बातम्या
ट्रेंडिंग न्यूज
