Telly Masala : सलमानच्या घरावरील गोळीबार प्रकरणी मोठी अपडेट समोर ते अभिनेता जॅकी श्रॉफची दिल्ली हायकोर्टात धाव; जाणून घ्या मनोरंजनसृष्टीसंबंधित महत्त्वाच्या बातम्या

Telly Masala : जाणून घ्या मनोरंजनसृष्टीसंबंधित बातम्या

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Jackie Shroff High Court : अभिनेता जॅकी श्रॉफची दिल्ली हायकोर्टात धाव, समोर आलं मोठं कारण

Jackie Shroff High Court:  बॉलिवूडमध्ये आपल्या अभिनयाने, कामाने स्थान मिळवणारा अभिनेता म्हणून जॅकी श्रॉफला (Jackie Shroff) ओळखले जाते. चाहत्यांच्या जग्गूदादा आपल्या वेगळ्याच अंदाजासाठी ओळखला जातो. त्याची बोलण्याची एक वेगळी स्टाईल आहे. त्यामुळेच जॅकी श्रॉफ हा बॉलिवूडच्या इतर अभिनेत्यांपेक्षा वेगळा ठरतो. जॅकी श्रॉफ हा आपल्या बोलण्यात भिडू या शब्दाचा वापर करतो. आता याच शब्दावरून जग्गूदादाने दिल्ली हायकोर्टात धाव घेतली आहे. अभिनेता जॅकी श्रॉफने दिल्ली हायकोर्टात याचिका दाखल केली आहे. 

Salman Khan House Firing Case : मोठी बातमी! सलमान खानच्या घरावर गोळीबार प्रकरणी सहाव्या आरोपीला हरियाणातून उचललं

Salman Khan House Firing Case : बॉलिवूडचा भाईजान अभिनेता सलमान खानच्या (Salman Khan) घरावर गोळीबार केल्याप्रकरणी  मुंबई पोलिसांच्या गुन्हे शाखेकडून कसून तपास सुरू आहे. मुंबई पोलिसांनी हरियाणातील फतेहाबाद येथून आणखी एकाला अटक केली आहे. काही दिवसांपूर्वी मुंबई पोलिसांनी राजस्थानमधून अटक केली होती. त्यानंतर आजही कारवाई करण्यात आली. 

Kareena Kapoor Saif Ali Khan : करीना कपूर-सैफ अली खानचा घटस्फोट? चाहते म्हणाले,"सैफ हॅट्रिकच्या तयारीत"

Kareena Kapoor Saif Ali Khan Divorce Speculation : बॉलिवूड इंडस्ट्रीतील लोकप्रिय जोडप्यांमध्ये सैफ अली खान (Saif Ali Khan) आणि करीना कपूर (Kareena Kapoor) यांचा समावेश आहे. करीना आणि सैफ अनेकदा एकत्र दिसून येतात. दोघांमध्ये एकमेकांबद्दलचं प्रेम दिसून येतं. सैफ अली खान आणि करीना कपूर यांचा एक व्हिडीओ सोशल मीडियावर व्हायरल झाला होता. या व्हिडीओमध्ये दोघे आपल्या बिल्डिंगखाली लिपलॉक करताना दिसून आले होते. व्हिडीओ समोर आल्यानंतर सैफ अली खान आणि करीना कपूर यांना प्रचंड ट्रोल करण्यात आलं. तर दुसरीकडे आता सैफ अली खान आणि करीना कपूर यांच्या घटस्फोटाच्या चर्चांना आता सुरुवात झाली आहे.

Ramayana : 'रामायण'च्या रिलीज डेटबद्दल मोठी अपडेट समोर; जाणून घ्या चित्रपट कधी रिलीज होणार...

Ramayana Release Day Update : बॉलिवूड अभिनेता रणबीर कपूर (Ranbir Kapoor) आणि साई पल्लवी (Sai Pallavi) यांचा 'रामायण' (Ramayana) हा चित्रपट बॉलिवूडच्या बहुप्रतीक्षित चित्रपटांपैकी एक आहे. नितेश तिवारी (Nitesh Tiwari) दिग्दर्शित या चित्रपटाचे अनेक मोठ-मोठे अपडेट्स समोर येत आहेत. सोशल मीडियावर या चित्रपटाच्या सेटवरचे फोटो लीक झाले आहेत. त्यानंतर रणबीर कपूर आणि साई पल्लवी यांचा लूकही रिवील झाला आहे. या चित्रपटाला प्रेक्षकांची चांगलीच पसंती मिळत आहे. रामायणच्या असंख्य अपडेट्सनंतर चाहते आता या चित्रपटाच्या रिलीज डेटची प्रतीक्षा करत आहेत. प्रत्येकाला या चित्रपटाची रिलीज डेट जाणून घ्यायची आहे. अशातच आता या चित्रपटाच्या रिलीज डेटबद्दल नवी अपडेट समोर आली आहे.

Tabu In Hollywood :  12 वर्षानंतर तब्बूचे हॉलिवूडमध्ये कमबॅक, ऑस्कर विजेत्या फ्रँचायझी चित्रपटाच्या वेबसीरिजमध्ये झळकणार

Tabu In Hollywood :  'माचिस', 'चांदनी बार', 'हैदर', 'दृष्यम' सारख्या चित्रपटांमध्ये अभिनेत्री तब्बूने (Tabu) आपल्या  अभिनयाची छाप सोडली. लॉकडाउनमध्ये एका बाजूला अनेक अभिनेत्यांचे चित्रपट फ्लॉप ठरत असताना दुसरीकडे तब्बूच्या चित्रपटांनी बॉक्स ऑफिसवर चांगली कमाई केली. आता तब्बूच्या चाहत्यांसाठी चांगली बातमी आहे. अभिनेत्री तब्बू आता हॉलिवूडमध्ये कमबॅक करणार आहे.