Tabu In Hollywood :  12 वर्षानंतर तब्बूचे हॉलिवूडमध्ये कमबॅक, ऑस्कर विजेत्या फ्रँचायझी चित्रपटाच्या वेबसीरिजमध्ये झळकणार

Tabu In Hollywood :  अभिनेत्री तब्बूच्या चाहत्यांसाठी चांगली बातमी आहे. अभिनेत्री तब्बू आता हॉलिवूडमध्ये कमबॅक करणार आहे.

Actress Tabu come back in Hollywood (Image Source : Tabu/Instagram)

Tabu In Hollywood :  'माचिस', 'चांदनी बार', 'हैदर', 'दृष्यम' सारख्या चित्रपटांमध्ये अभिनेत्री तब्बूने (Tabu) आपल्या  अभिनयाची छाप सोडली. लॉकडाउनमध्ये एका बाजूला अनेक अभिनेत्यांचे चित्रपट फ्लॉप ठरत असताना दुसरीकडे तब्बूच्या चित्रपटांनी बॉक्स ऑफिसवर चांगली कमाई केली. आता तब्बूच्या चाहत्यांसाठी चांगली बातमी आहे. अभिनेत्री तब्बू आता हॉलिवूडमध्ये कमबॅक करणार आहे. 

तब्बू पुन्हा एकदा हॉलिवूड प्रोजेक्ट करणार आहे. ऑस्कर विजेत्या फिल्म फ्रँचायझी 'ड्यून' (Dune) हा प्रीक्वल असणार आहे. ज्याची कथा चित्रपटात दाखवलेल्या घटनांपूर्वीची असेल. ही कथा एका वेब सीरिजमध्ये दाखवण्यात येणार आहे. यामध्ये तब्बूची महत्त्वाची भूमिका आहे. याआधी तब्बूने हॉलिवूडमधील 'द नेमसेक' आणि 'लाइफ ऑफ पाय' या दोन प्रोजेक्टमध्ये काम केले आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Tabu (@tabutiful)

तब्बू कोणती व्यक्तीरेखा साकारणार?

एका वृत्तानुसार, तब्बूला स्ट्रिमिंग प्लॅटफॉर्म मॅक्ससाठी निर्मितीसाठी होत असलेली ड्युनची प्रीक्वेल सीरिज 'ड्यून: प्रोफेसी'साठी निवडण्यात आले आहे. या वेब सीरिजमध्ये तब्बू सिस्टर फ्रेंचेस्काची व्यक्तीरेखा साकारणार आहे. ही व्यक्तीरेखा बुद्धिमान, शक्तिशाली आणि आकर्षण वाटणारी असणार आहे. एके काळी सम्राटाचे प्रेम असलेल्या फ्रान्सिस्काच्या पुनरागमनामुळे राजधानीतील सत्तेचा समतोल बिघडणार आहे. तब्बूच्या अभिनयाची छाप वेगवेगळ्या भूमिकेत पडली आहे. आता, या वेब सीरिजमध्ये तब्बू आपल्या अभिनयाची छाप सोडण्यास सज्ज झाली आहे. तब्बूच्या चाहत्यांना या वेब सीरिजची उत्सुकता लागली आहे. 

EXCLUSIVE: The Max prequel series “Dune: Prophecy” has cast legendary Indian actor Tabu in a recurring role.
⁠
Originally commissioned in 2019 under the title “Dune: The Sisterhood,” the series is inspired by the novel "Sisterhood of Dune" written by Brian Herbert and Kevin J.… pic.twitter.com/bbTP9jEvw8

— Variety (@Variety) May 13, 2024

दरम्यान, तब्बूचा शेवटचा हॉलिवूड प्रोजेक्ट 'लाइफ ऑफ पाय' 2012 मध्ये रिलीज झाला होता. या चित्रपटात तब्बूसोबत इरफान खान, आदिल हुसैन आणि सूरज शर्मा यांनीही काम केले होते. या चित्रपटाने 4 ऑस्कर पुरस्कार पटकावले. तर, बॉलिवूडमध्ये लॉकडाऊननंतर तब्बूने 'भूल भुलैया 2', 'दृश्यम 2', 'क्रू' आदी चित्रपटात काम केले. या चित्रपटांनी बॉक्स ऑफिसवर चांगलीच कमाई केली. आता तब्बू लवकरच अजय देवगणसोबत 'औरों में कहाँ दम था' या चित्रपटात दिसणार आहे.