Kareena Kapoor Saif Ali Khan : करीना कपूर-सैफ अली खानचा घटस्फोट? चाहते म्हणाले,"सैफ हॅट्रिकच्या तयारीत"

Kareena Kapoor Saif Ali Khan Divorce Speculation : करीना कपूर आणि सैफ अली खान यांचा घटस्फोट होणार असल्याच्या चर्चा सुरू आहेत. करीना-सैफच्या घटस्फोटाच्या चर्चांमुळे चाहते नाराज झाले आहेत.

Kareena Kapoor Saif Ali Khan

Kareena Kapoor Saif Ali Khan Divorce Speculation : बॉलिवूड इंडस्ट्रीतील लोकप्रिय जोडप्यांमध्ये सैफ अली खान (Saif Ali Khan) आणि करीना कपूर (Kareena Kapoor) यांचा समावेश आहे. करीना आणि सैफ अनेकदा एकत्र दिसून येतात. दोघांमध्ये एकमेकांबद्दलचं प्रेम दिसून येतं. सैफ अली खान आणि करीना कपूर यांचा एक व्हिडीओ सोशल मीडियावर व्हायरल झाला होता. या व्हिडीओमध्ये दोघे आपल्या बिल्डिंगखाली लिपलॉक करताना दिसून आले होते. व्हिडीओ समोर आल्यानंतर सैफ अली खान आणि करीना कपूर यांना प्रचंड ट्रोल करण्यात आलं. तर दुसरीकडे आता सैफ अली खान आणि करीना कपूर यांच्या घटस्फोटाच्या चर्चांना आता सुरुवात झाली आहे.

अभिनेता सैफ अली खानचे फोटो आणि व्हिडीओ सोशल मीडियावर व्हायरल होत आहेत. त्यानंतर सैफ अली खान आणि करीना कपूरच्या घटस्फोटाच्या चर्चांना आता सुरुवात झाली आहे. सैफ अली खान नुकताच एअरपोर्टवर स्पॉट झाला होता. त्याला कॅमेऱ्यात कैद करण्यात आले होते. सैफ अली खानचे फोटो आणि व्हिडीओ समोर आल्यानंतर सैफच्या हातावरील टॅटूने चाहत्यांचं लक्ष वेधून घेतलं.

...अन् करीना-सैफच्या घटस्फोटाच्या चर्चांना सुरुवात

सैफ अली खानच्या हातावर आधी करीनाचं नाव लिहिलेलं होतं. पण आता त्याजागी दुसरा टॅटू दिसून येत आहे. बदललेला टॅटू पाहून नेटकऱ्यांनी कमेंट करायला सुरुवात केली आहे.  सैफ-करीनाचं बिनसल्याने त्याने टॅटू काढला असं म्हणत आहेत. आणखी एका लग्नाची तयारी, सैफ तिसऱ्यांदा बोहल्यावर चढणार, सैफचा पक्का घटस्फोट होणार, आता टॅटू बदलला आहे, आता घरवाली बदलेल, काही दिवस थांबा आता पत्नीदेखील बदलणार, सैफ हॅट्रिकच्या तयारीत, अशा कमेंट्स चाहत्यांनी केल्या आहेत. 

करीना-सैफची 'अशी' आहे लव्हस्टोरी (Kareena Kapoor Saif Ali Khan Lovestory)

'टशन' या चित्रपटाच्या शूटिंगदरम्यान करीना कपूर आणि सैफ अली खानच्या लव्हस्टोरीची सुरुवात झाली. करीना कपूरआधी सैफने अमृता सिंहसोबत लग्न केलं होतं. दोघे 1991 मध्ये लग्नबंधनात अडकले. लग्नाच्या 13 वर्षानंतर सैफ आणि अमृताचा 2004 मध्ये घटस्फोट झाला. त्यानंतर करीना कपूर आणि सैफ अली खानने अनेक वर्षे एकमेकांना डेट केल्यानंतर 2012 मध्ये लग्न केलं. लग्नाआधी करीना आणि सैफने 'एलओसी कारगिल','ओमकारा','टशन','कुर्बान' आणि 'एजेंट विनोद' सारख्या चित्रपटांमध्ये तिने काम केलं आहे. घटस्फोटाच्या चर्चांदरम्यान दोघांच्या आगामी चित्रपटांची चाहत्यांना उत्सुकता आहे.

संबंधित बातम्या