Telly Masala : ज्येष्ठ शास्त्रीय गायिका प्रभा अत्रे यांचे हृदयविकाराच्या झटक्याने निधन ते 'शिवरायांचा छावा'चं पोस्टर आऊट; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Prabha Atre Passed Away : ज्येष्ठ शास्त्रीय गायिका प्रभा अत्रे यांचे पुण्यात निधन; वयाच्या 92 व्या वर्षी घेतला अखेरचा श्वास

Prabha Atre : ज्येष्ठ शास्त्रीय गायिका प्रभा अत्रे (Prabha Atre) यांचे पुण्यातील राहत्या घरी निधन झाले आहे. वयाच्या 92 व्या वर्षी त्यांनी अखेरचा श्वास घेतला आहे. त्यांच्या निधनाने संगीतक्षेत्राला मोठा धक्का बसला आहे. प्रभा अत्रे आज 'स्वरप्रभा' या कार्यक्रमात गायन करण्यासाठी पुण्याहून मुंबईला जाणार होत्या. मुंबईत त्यांच्या गायनाचं आयोजन करण्यात आलं होत. वयाच्या 92 वर्षी देखील त्या गाणं गात होत्या आणि सार्वजनिक कार्यक्रमांना उपस्थित राहत होत्या. 

Rakhi Sawant : राखी सावंतला कोणत्याही क्षणी अटक होण्याची शक्यता; अटकपूर्व जामीन देण्यास न्यायालयाचा नकार

Rakhi Sawant : बॉलिवूडची 'ड्रामा क्वीन' राखी सावंत (Rakhi Sawant) नेहमीच कोणत्या ना कोणत्या कारणाने चर्चेत असते. पण आता अभिनेत्रीच्या अडचणीत वाढ झाली आहे. 'ड्रामा क्वीन' राखी सावंतला कोणत्याही क्षणी अटक होऊ शकते. अभिनेत्रीला अटकपूर्व जामीन देण्यास न्यायालयाने नकार दिला आहे.

Shivrayancha Chhava : "रक्तात उकळतो भगवा हा"; 'शिवरायांचा छावा'चं चित्तथरारक पोस्टर आऊट!

Shivrayancha Chhava : मराठी मनोरंजनसृष्टीत रहस्य, नाट्य, रोमँटिक जॉनरसह ऐतिहासिक सिनेमेदेखील मोठ्या प्रमाणात येत आहेत. 'शिवरायांचा छावा' (Shivrayancha Chhava) हा सिनेमा लवकरच प्रेक्षकांच्या भेटीला येणार आहे. नुकतचं या सिनेमाचं चित्तथरारक पोस्टर आऊट झालं आहे.

Divya Pahuja : हॉटेलमध्ये गोळ्या घालून हत्या अन् 11व्या दिवशी कालव्यात सापडला मृतदेह; मॉडेल मर्डरची थरारक मिस्ट्री

Divya Pahuja : मॉडेल दिव्या पाहुजाची (Divya Pahuja) 2 जानेवारीला सिटी पॉइंट हॉटेलच्या रूममध्ये गोळ्या झाडून हत्या करण्यात आली. याप्रकरणी बंगालमधून अटक करण्यात आलेल्या बलराज नावाच्या व्यक्तीची चौकशी पोलिसांनी केली. त्याची चौकशी केल्यानंतर  दिव्या पाहुजाचा मृतदेह पोलिसांना सापडला आहे. दिव्याचा मृतदेह हरियाणाच्या (Haryana) तोहाना कालव्यात फेकून दिल्याचे खुद्द बलराजने पोलिसांना सांगितले होते. दिव्या पाहुजा हत्याकांडातील मुख्य आरोपी अभिजीत सिंह याने मृतदेहाची विल्हेवाट लावण्याची जबाबदारी बलराज गिलवर सोपवली होती.

Hanuman Review : अवश्य पाहावा असा आणखी एक भारतीय सुपरहीरो 'हनुमान'

Hanuman Movie Review : काल खरे तर श्रीराम राघवनचा 'मेरी ख्रिसमस' (Merry Christmas) पाहायला गेलो होतो. पण ज्या मल्टीप्लेक्सला गेलो तेथे तिकीट मिळाले नाही. मात्र हनुमानचे तिकिट मिळत होते. हनुमान (Hanuman) हा साऊथचा चित्रपट असल्याने आणि साउथच्या निर्माता-दिग्दर्शकांबद्दल मला जरा जास्त प्रेम असल्याने हनुमान पाहाण्याचा निर्णय घेतला आणि आपला निर्णय योग्य असल्याचे जाणवले. चित्रपट पाहिल्यानंतर हिंदीवाले असे प्रयोग इतक्या सशक्त पद्धतीने का करू शकत नाहीत असा प्रश्न पुन्हा एकदा पडला.