Telly masala : अत्याचार करणाऱ्या नराधमांना शिवरायांच्या काळातील शिक्षा देण्याची अभिनेत्याची मागणी ते श्रद्धा कपूरने पंतप्रधान मोदींना टाकलं मागे; जाणून घ्या मनोरंजनसृष्टीसंबंधित बातम्या

Telly masala : सध्या मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala

Source : Insta

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Stree 2 : श्रद्धा कपूरनं पंतप्रधान मोदींना टाकलं मागे, 'स्त्री 2' नंतर लोकप्रियता वाढली

Shraddha Kapoor crosses PM Modi : बॉलिवूड अभिनेत्री श्रद्धा कपूरच्या 'स्त्री 2' चित्रपटाने सध्या बॉक्स ऑफिसवर धमाका केला आहे. स्वातंत्र्यदिनाच्या मुहूर्तावर प्रदर्शित झालेला स्त्री 2 चित्रपट बॉक्स ऑफिसवर धुमाकूळ घालत आहे. स्त्री 2 चित्रपटाने इतर चित्रपटांना धोबीपछाड दिला आहे. चित्रपटाच्या प्रचंड कमाई करताना दिसत आहे. त्याचा परिणाम तिच्या इंस्टाग्राम अकाउंटवरही दिसून येत आहे. स्त्री 2 हा चित्रपट हिट झाल्यानंतर श्रद्धा कपूरची लोकप्रियता खूप वाढली आहे. लोकप्रियतेच्या बाबतीत ती पंतप्रधान मोदींच्याही एक पाऊल पुढे पोहोचली आहे. 

Riteish Deshmukh : 'त्या' नराधमांना छत्रपती शिवरायांच्या काळातील शिक्षा व्हायला हवी, शिवकालीन चौरंग शिक्षा काय आहे?

मुंबई : बदलापूरमध्ये शाळेतच दोन चिमुकल्या मुलींवर पाशवी अत्याचाराच्या घटनेनं देशभरात खळबळ माजली आहे. शाळेतच मुलींसोबत गैरकृत्य घडल्याने त्यांच्या सुरक्षेचा प्रश्न पुन्हा एकदा ऐरणीवर आला आहे. या प्रकरणी सर्वत्र संतापाची लाट उसळली आहे. सर्वच स्तरातून या घटनेचा निषेध होत असून सेलिब्रिटींनीही यावर कडक शब्दात प्रतिक्रिया मांडली आहे. अभिनेता रितेश देशमुख यानेही या घटनेचा निषेध करत या गैरकृत्यासाठी शिवरायांच्या काळातील शिक्षेची आठवण करुन दिली आहे.

Nikki Tamboli Love Story : बिग बॉसच्या घरात या सदस्यानं निक्कीला केलेलं KISS, भर कार्यक्रमात गुडघे टेकून प्रपोजही; निक्की तांबोळीची 'ही' लव्हस्टोरी तुम्हाला माहितीय?

मुंबई : बिग बॉस मराठीचा पाचवा सीझन खूपच चर्चेत आहे. यंदाच्या सीझनच्या पहिल्या दिवसापासून सर्वाधिक चर्चित सदस्य म्हणजे निक्की तांबोळी. हिंदी बिग बॉस 14 मधील स्पर्धक बिग बॉस मराठीच्या घरात सहभागी झाल्यामुळे तिची चांगलीच चर्चा आहे. बिग बॉस मराठीच्या घरात पहिल्याच दिवशी राडा करुन निक्कीने ती चर्चेत का असते, हे पुन्हा एकदा दाखवून दिलं. दरम्यान, निक्की तांबोळी आणि प्रतीक सहजपाल यांची 'बिग बॉस'वाली लव्हस्टोरी जाणून घ्या.

Bigg Boss Marathi : ट्रोलर्सच्या निशाण्यावर असणाऱ्या जान्हवीसाठी नवरा मैदानात, पॅडीबाबत वादग्रस्त वक्तव्याबाबत म्हणाला...

Bigg Boss Marathi Season 5 : बिग बॉसच्या घरात नुकताच बीबी करन्सीसाठी टास्क पार पडला. यामध्ये सदस्यांमध्ये जोरदार राडा पाहायला मिळाला. टीम A आणि टीम B मध्ये फुल ऑन बाचाबाची झाली. यावेळी जान्हवी किल्लेकरची जीभ घसरली. जान्हवीने पॅडीबद्दल लाजिरवाणं भाष्य केलं. पॅडीवर टीका करताना जान्हवीने पातळी सोडली, यामुळे नेटकऱ्यांनी तिच्यावर टीकेचा भडीमार सुरु केला आहे. नेटकऱ्यांनी जान्हवीला चांगलंच निशाण्यावर धरलं आहे. टीकांचा भडीमार सहन करणाऱ्या जान्हवीसाठी आता नवरा मैदानात उतरला आहे.

Stree 2 BO Collection : श्रद्धा कपूरचा अक्षय कुमार आणि जॉनला धोबीपछाड, 'स्त्री 2' समोर 'खेल खेल में' आणि 'वेदा'ची जादू फिकी

Stree 2 vs Khel Khel Mein vs Veda Box Office Collection : स्वातंत्र्य दिनाच्या दिवशी बॉक्स ऑफिसवर तीन मोठे चित्रपट प्रदर्शित झाले. दिग्गज स्टार्सच्या या चित्रपटांची बॉक्स ऑफिसवर टक्कर पाहायला मिळाली. यामध्ये  श्रद्धा कपूर, राजकुमार राव आणि पंकज त्रिपाठी स्टारर हॉरर कॉमेडी चित्रपटाचा धमाका पाहायला मिळत आहेत. स्त्री 2 चित्रपटाने प्री-बुकींगमध्येही कोट्यवधींची कमाई केली, त्यानंतर पहिल्या दिवशी बॉक्स ऑफिसवर चांगला गल्ला जमवला. आता सहा दिवसांनंतरही चित्रपटाची घोडदौड सुरुच आहे.