#PillowChallenge सोशल मीडियावर अभिनेत्री तमन्नाचा स्टनिंग लूक होतोय ट्रेंड
लॉकडाऊनच्या काळात घरी बसून आता फावल्या वेळात करायचं काय हा प्रश्न पडलेल्यांसाठी फोटोशूट्स आणि नवनवे चॅलेंजेस आहेत. दररोज नव्या चॅलेंजच्या आयडिया सोशल मिडीयावर दिसातायत, त्यातच आता नवा ट्रेंड म्हणजे #PillowChallenge काय आहे हा चॅलेंज पाहा!
मुंबई : लॉकडाऊन असल्यामुळे सध्या सर्वच घरी राहण्यास भाग पडले आहेत, यातच घरीच राहून करमणूक म्हगणून सोशल मीडियावर रोज काही नवे चॅलेंजेस आपल्याला पाहायला मिळतात. टीक-टॉक, इन्स्टाग्राम, फेसबुकसोबतच सर्व सोशल मीडिया प्लॅटफॉर्म्सवर सर्वांना आकर्षित करणारे असे हे चॅलेंज आपण पाहत आहोत, यातील काही चॅलेंज तुम्ही स्वत:देखील केले असतील. या चॅलेंजेसमध्ये बॉलिवूड सेलिब्रिटी मोठ्या प्रमाणात सहभाग घेत आहे, कूकिंग चॅलेंज, वर्कआऊट चॅलेंज, क्लिनिंग चॅलेंज आणि आता नवा व्हायरल ट्रेंड म्हणजे पिलो चॅलेंज!
या चॅलेंजमध्ये उशी आणि बेल्टचा वापर करून एक नवं आऊटफिट बनवलं जात आहे आणि सोबतच लॉकडाऊन फोटोशूट! बॉलिवूडच्या अनेक अभिनेत्र्यांनी हा चॅलेंज स्वीकारत सोशल मीडियावर आपले फोटो शेअर केले आहेत, यात अभिनेत्री तमन्नानेही आपल्या हॉट लूकमधील पिलो चॅलेंजचा फोटो शेअर केला आहे. एका उशीला स्टायलिश बेल्ट आणि रेड हाय हिल्स असं एक नवं लूक तिने तयार केलं आहे.
#PillowChallenge तमन्नासोबत आणखी काही सेलिब्रिटीजने हा चॅलेंज केला आहे. बॉलीवूड प्लेबॅक सिंगर नेहा कक्करनेसुद्धा यात सहभाग घेतला आहे, तिने टीक-टॉक आणि इन्स्टाग्रामवर आपला पिलो चॅलेंजचा व्हिडीओ शेअर केला आहे.
#PillowChallenge तामिळ अभिनेत्री पायल राजपूतने येलो पिलोचा वापर करत कॅची लूक तयार केला आहे. केवळ सेलिब्रिटीच नाही तर सर्वांनीच या चॅलेंजचा आनंद लुटला आहे.
केवळ हाच एक चॅलेंज नाही तर सोशल मीडियावर रोज एक नवा चॅलेंज तुम्हाला दिसत असेल, यापैकी काही चॅलेंज तुम्हीसुद्धा करून पाहिले असतील.
#MeAt20 मी अॅट ट्वेंटी या चॅलेंजमध्ये 20 वर्षाचे असतानाचे फोटोज सर्वांनी शेअर केलेत.
मराठी अभिनेत्री सोनाली कुलकर्णी हिने #MeAt20 या चॅलेंजमध्ये ती 20 वर्षांची असतानाचा फोटो शेअर केला आहे.
#DalgonaCoffeeChallenge सर्वांना गुंतवून ठेवणारा लॉंग लास्टिंग चॅलेंज ठरला तो म्हणजे डालगोना कॉफी चॅलेंज, सचिन तेंडूलकरपासून ते बॉलिवूड आणि मराठी कलाकारांनी सुद्धा हा चॅलेंज एंजॉय केला.
#SafeHandsChallenge त्यानंतर सेफ हॅंड्स चॅलेंजसुद्धा ट्रेंड होत होता यामध्ये सर्वजण हात स्वच्छ ठेवत कशी काळजी घेत आहेत हा मेसेज देत होते.
#OnlineAntakshari काही सेलिब्रिटींनी स्वत:च्या आणि फॅन्सच्या करमणुकीसाठी ऑनलाईन अंताक्षरीचा चॅलेंजसुद्धा केला. यात तीन ते चार जण एकत्र लाईव्ह येत अंताक्षरी खेळत होते.
महत्त्वाच्या बातम्या
ट्रेंडिंग न्यूज
