Blurr Teaser : अंगावर शहारे आणणारा 'ब्लर'चा टीझर आऊट; तापसी पन्नू मुख्य भूमिकेत

Taapsee Pannu : तापसी पन्नूच्या आगामी 'ब्लर' या सिनेमाचा टीझर प्रेक्षकांच्या भेटीला आला आहे.

Taapsee Pannu

Taapsee Pannu Film Blurr Teaser : बॉलिवूड अभिनेत्री तापसी पन्नूचा (Taapsee Pannu) 'दोबारा' हा सिनेमा गेल्या काही दिवसांपूर्वी प्रेक्षकांच्या भेटीला आला असून बॉक्स ऑफिसवर आपली जादू दाखवण्यात हा सिनेमा कमी पडला. आता तापसी पुन्हा नव्या सिनेमासह प्रेक्षकांच्या भेटीला येण्यासाठी सज्ज आहे. तापसीचा आगामी 'ब्लर' (Blurr) हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे.

टीझरमध्ये काय आहे?

टीझमध्ये तापसी कोणासोबत तरी फोनवर बोलताना दिसत आहे. ती म्हणत आहे,तू शांत का आहेस? उत्तर का देत नाहीस? मला माहित आहे की तू इथेच आहेस आणि तू मला पाहतो आहेस". त्यानंतर तापसीच्या ओरडण्याने टीझरचा शेवट होतो. 

तापसी पन्नूने सोशल मीडियावर 'ब्लर'चा टीझर शेअर केला आहे. टीझर शेअर करत तिने लिहिलं आहे,"सर्व बाजूंनी धोकाचं आहे. पण गायत्री या अडचणींचा सामना करू शकते? तिच्या नजरेने जगाला पाहण्यासाठी तयार राहा".  'ब्लर' हा सिनेमा सायकॉलॉजिकल थ्रिलर असणारा आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Taapsee Pannu (@taapsee)

'ब्लर' या सिनेमात प्रेक्षकांना सस्पेन्स, थरार आणि नाट्य पाहायला मिळणार आहे. हा सिनेमा येत्या 9 डिसेंबरला झी 5 या ओटीटी प्लॅटफॉर्मवर प्रदर्शित होणार आहे. या सिनेमात तापसी पन्नू आणि गुलशन देवय्या मुख्य भूमिकेत आहेत. अजय बहल आणि पवन सोनी यांनी या सिनेमाचं कथानक लिहिलं आहे. 

एका महिलेच्या संघर्षावर भाष्य करणारा 'ब्लर' हा सिनेमा आहे. या सिनेमात तापसी गायत्री नामक एका मुलीच्या भूमिकेत दिसणार आहे. सिनेमात अभिनय करण्यासोबत तापसी या सिनेमाची निर्मितीदेखील करत आहे. उत्सुकता वाढवणारा टीझर प्रेक्षकांच्या पसंतीस उतरल्याने आता ते सिनेमाची प्रतीक्षा करत आहेत. 

संबंधित बातम्या