Sunny Deol : सनी देओल आणि त्याच्या सिनेमांना पाकिस्तानात बंदी; अभिनेत्याच्या मुंबईतील बंगल्याचाही होणार लिलाव; नेमकं प्रकरण काय?

Sunny Deol : बॉलिवूड अभिनेता सनी देओल आणि त्याच्या सिनेमांना पाकिस्तानात बंदी आहे.

Sunny Deol

Sunny Deol : बॉलिवूड अभिनेता सनी देओल (Sunny Deol) सध्या चर्चेत आहे. अॅक्शन हिरोचा 'गदर 2' (Gadar 2) हा सिनेमा बॉक्स ऑफिसवर धुमाकूळ घालत आहे. एकीकडे 100 हून अधिक बॉलिवूड सिनेमांत काम करणाऱ्या सनी देओलला आणि त्याच्या सिनेमांना पाकिस्तानात (Pakistan) बंदी आहे. तर दुसरीकडे अभिनेत्याच्या मुंबईतील (Mumbai) बंगल्याचाही लिलाव होणार आहे. 'गदर 2'ने कोट्यवधींची कमाई केल्यानंतरही अभिनेता कर्जाची परतफेड करू शकलेला नाही. 

सनी देओलच्या मुंबईतील बंगल्याचा होणार लिलाव (Sunny Deol Bunglow Auction)

बॉलिवूड अभिनेता सनी देओलच्या मुंबईतील जुहू येथील बंगल्याचा लिलाव होणार आहे. बँक ऑफ बडोदाने बंगल्याची ई-लिलाव अधिसूचना आज जारी केली आहे. सनी देओलने त्याचा बंगला बँकेत गहाण ठेवला. त्याऐवजी त्याला 56 कोटी रुपये बँकेत भरायचे होते. पण अभिनेत्याने अद्याप या कर्जाची परतफेड केलेली नाही. त्यामुळे येत्या 25 सप्टेंबरला हा लिलाव होणार आहे.  

सनी देओलला पाकिस्तानात बंदी (Sunny Deol Banned in Pakistan)

बॉलिवूड अभिनेता सनी देओल आणि त्याच्या सिनेमांना पाकिस्तानात बंदी आहे. पाकिस्तानातील सिनेमागृहात अभिनेत्याचे सिनेमे दाखवले जात नाहीत. सनी देओलने देशप्रेमावर आधारित अनेक सिनेमे केले आहेत. तसेच पाकिस्तानाचा विरोध करणाऱ्या भूमिका त्याने साकारल्या आहेत. त्यामुळे त्याच्या सिनेमांचे शो न ठेवण्याचा निर्णय पाकिस्तान सरकारने घेतला आहे.

सनी देओलचा 'गदर : एक प्रेम कथा' (Gadar : Ek Prem Katha) हा सिनेमा 2001 मध्ये प्रेक्षकांच्या भेटीला आला होता. या सिनेमात त्याने साकारलेली तारा सिंहची भूमिका चांगलीच गाजली. भारतीय सिनेरसिकांनी तारा सिंहला डोक्यावर घेतलं असलं तरी पाकिस्तानी सिनेप्रेमींना मात्र सनीचं काम आवडलेलं नाही. पाकिस्तानी विरोधी डायलॉग बोलताना तो या सिनेमात दिसला. 'गदर' सिनेमासह 'बॉर्डर', 'द हीरो' आणि 'मां तुझे सलाम' या सिनेमात अभिनेत्याने पाकिस्तान विरोधी भूमिका साकारली आहे.

सनी देओलचा 'गदर 2' बॉक्स ऑफिसवर सुसाट! (Sunny Deol Gadar 2 Box Office Collection)

बॉलिवूड अभिनेता सनी देओल (Sunny Deol) आणि अमिषा पटेल (Ameesha Patel) यांचा ' गदर 2' (Gadar 2 Box Office Collection) हा सिनेमा बॉक्स ऑफिसवर धुमाकूळ घालत आहे. 'गदर 2' (Gadar 2) या सिनेमाने ओपनिंग डेला 40.1 कोटींची कमाई केली होती. वीकेंडला या सिनेमाने सर्वाधिक कमाई केली आहे. रिलीजच्या पहिल्या आठवड्यात या सिनेमाने 284.63 कोटींची कमाई केली आहे. तर आतापर्यंत रिलीजच्या दहा दिवसांत या सिनेमाने 376.20 कोटींचा गल्ला जमवला आहे. हा सिनेमा 500 कोटींचा आकडा पार करणार असल्याचं म्हटलं जात आहे.

संंबंधित बातम्या