Subodh Bhave: 'हातात अगरबत्ती आणि वेफर' सुबोध भावे नक्की करतोय काय? पोस्टनं वेधलं लक्ष
अभिनेता सुबोध भावेनं (Subodh Bhave) नुकतीच एक पोस्ट सोशल मीडियावर शेअर केली आहे. त्याच्या या पोस्टनं अनेकांचे लक्ष वेधले आहे.
Subodh Bhave: मराठी चित्रपटसृष्टीतील प्रसिद्ध अभिनेता सुबोध भावे (Subodh Bhave) हा त्याच्या हर हर महादेव (Har Har Mahadev) या चित्रपटामुळे गेल्या काही दिवसांपासून चर्चेत आहे. नुकतीच सुबोधनं एक पोस्ट सोशल मीडियावर शेअर केली आहे. या पोस्टनं अनेक नेटकऱ्यांचे लक्ष वेधले.
पाहा सुबोधची पोस्ट
सुबोधनं सोशल मीडियावर पोस्ट शेअर करुन त्याच्या नव्या चित्रपटाची माहिती प्रेक्षकांना दिली आहे. या पोस्टमध्ये सुबोध हा एका हातात अगरबत्ती आणि दुसऱ्या हातात वेफर धरुन उभा असलेला दिसत आहे. या पोस्टच्या कॅप्शनमध्ये लिहिलं आहे, 'हातात अगरबत्ती आणि वेफर. सुबोध भावे नक्की करतोय तरी काय? गुढ उलगडेल थेट नव्या वर्षात.‘वाळवी’ 13 जानेवारी 2023 पासून सर्वत्र प्रदर्शित.'
View this post on Instagram
झी स्टुडिओज आणि दिग्दर्शक परेश मोकाशी हे एक समीकरणच आहे. या दोघांनी एकत्र येऊन केलेली कलाकृती ही नेहमीच अफलातून असते. असाच एक जबरदस्त विषय घेऊन पुन्हा एकदा झी स्टुडिओज आणि दिग्दर्शक परेश मोकाशी प्रेक्षकांच्या भेटीला येण्यास सज्ज झाले आहेत. 'दिसतं तसं नसतं' अशी टॅगलाईन असलेल्या 'वाळवी' या चित्रपटाचे एक भन्नाट टीझर सोशल मीडियावर सध्या धुमाकूळ घालत असून नवीन वर्षात म्हणजेच येत्या 13 जानेवारी रोजी हा चित्रपट सिनेमागृहात प्रदर्शित होणार आहे. आता स्वप्नील जोशी, अनिता दाते, सुबोध भावे, शिवानी सुर्वे आपल्याला नेमक्या कोणत्या भूमिकेत दिसणार आहेत आणि ही 'वाळवी' नेमकी कशाला लागली आहे, हे जाणून घेणे औत्सुक्याचे ठरणार आहे. इतक्या कुतूहलजनक आणि अनोख्या पद्धतीने चित्रपटाची घोषणा होणारा मराठीतील हा पहिलाच चित्रपट आहे. त्यामुळे प्रेक्षक 'वाळवी'ची आतुरतेने वाट पाहात आहेत.
यापूर्वी झी स्टुडिओज आणि दिग्दर्शक परेश मोकाशी यांनी 'एलिझाबेथ एकादशी', 'चि. व चि. सौ. का.' असे वेगळ्या धाटणीचे चित्रपट प्रेक्षकांसाठी आणले होते. या चित्रपटांनी फक्त बॉक्स ऑफिसवरच नाही तर रसिक प्रेक्षकांच्या मनावरही अधिराज्य गाजवलं. आता पुन्हा एकदा 'वाळवी'च्या निमित्ताने प्रेक्षकांना काहीतरी नाविन्यपूर्ण पाहायला मिळणार आहे. आता 'वाळवी' हा चित्रपट रोमान्स आहे की बायोपिक, कॉमेडी आहे की फॅमिली ड्रामा? हे मात्र सध्या गुलदस्त्यात आहे. तेराव्या शिकागो साऊथ एशियन फिल्म फेस्टिवलमध्ये 'सर्वोत्कृष्ट चित्रपटा'चा बहुमान मिळवणाऱ्या 'वाळवी'च्या निमित्ताने झी स्टुडिओज या निर्मिती संस्थेची आणि परेश मोकाशी यांची 'हॅट्रिक' होत आहे.
वाचा इतर महत्वाच्या बातम्या:
Vaalvi Teaser: 'दिसतं तसं नसतं'; 13 जानेवारीला प्रदर्शित होणार 'वाळवी' , टीझर पाहिलात?
महत्त्वाच्या बातम्या
