SSR Case | ड्रग्ज प्रकरणात मुंबईत एनसीबीचं धाडसत्र, रियाच्या घराची झडती, सॅम्युअल मिरांडाच्या घरीही पथक

सुशांत सिंह मृत्यू प्रकरणातील मुख्य आरोपी आणि सुशांतची गर्लफ्रेंड रिया चक्रवर्तीच्या घरी एनसीबीची दोन पथकं दाखल झाली आहे. ते रियाच्या घराची झडती घेणार आहे.

मुंबई : सुशांत सिंह मृत्यू प्रकरणातील ड्रग्ज अँगल समोर आल्यानंतर संपूर्ण बॉलिवूड विश्व ढवळून निघालं आहे. अशातच याप्रकरणात तपास करणाऱ्या नार्कोटिक्स ब्युरोने ड्रग्ज कनेक्शनमध्ये तपास सुरु केला आहे. आज सकाळीच सुशांत सिंह मृत्यू प्रकरणातील मुख्य आरोपी आणि सुशांतची गर्लफ्रेंड रिया चक्रवर्तीच्या घरी एनसीबीची दोन पथकं दाखल झाली आहे. ते रियाच्या घराची झडती घेणार आहे. एनसीबीने केलेल्या या कारवाईनंतर आता रिया चक्रवर्तीला सुशांत सिंह मृत्यू प्रकरणातील ड्रग्ज कनेक्शन प्रकरणी अटक होणार का? अशा प्रश्न पुन्हा एकदा उपस्थित केला जात आहे.

सुशांत सिंह मृत्यू प्रकरणाती ड्रग अँगल समोर आल्यानंतर एनसीबीकडून वेगाने तपास सुरु आहे. एनसीबीच्या तपासा दरम्यान, सुशांत सिंह मृत्यू प्रकरणातील मुख्य आरोपी रिया चक्रवर्ती आणि तिचा भाऊ शौविक यांचे ड्रग्ज तस्करांशी संबंध असल्याचं समोर आलं. या प्रकरणाशी संबंधित अनेक ड्रग्ज तस्करांना अटकही करण्यात आली. यादरम्यान अधिक तपास करण्यासाठी एनसीबीचं एक पथक आज सकाळीच रिया चक्रवर्तीच्या घरी दाखल झालं.

Maharashtra: Officers of Narcotics Control Bureau (NCB) reach the residence of #RheaChakraborty in Mumbai. An officer (in pic 4) says, "It's just a procedural matter. That is what we are following. It is being done at Rhea's and Samuel Miranda's house." https://t.co/2qMW4jyDqK pic.twitter.com/307I6bqZCn

— ANI (@ANI) September 4, 2020

एवढचं नाहीतर दिल्लीहून देखील नार्कोटीक्स ब्युरोचं एक पथक रिया चक्रवर्तीच्या घरी दाखल झालं आहे. म्हणजेच, रियाच्या घरी एनसीबीची दोन पथकं गेली आहेत. एनसीबीच्या या पथकासोबतच एनसीबीचे उपसंचालक केपीएस मल्होत्रा हे देखील उपस्थित आहेत. असं सांगण्यात येत आहे की, रियाच्या घराची झाडाझडती घेण्यात येणार असून एनसीबीकडून मोठं सर्च ऑपरेशन सुरु आहे. तसेच केपीएस मल्होत्रा म्हणाले की, ते एका तपास प्रक्रीया पूर्ण करण्यासाठी आले आहेत.

रिया शौविकचं व्हॉट्सअॅप चॅट

रिया चक्रवर्ती आणि तिचा भाऊ शौविक चक्रवर्ती या दोघांमधली व्हॉट्सअॅप चॅट समोर आलं आहे. या व्हॉट्सअॅप चॅटमधून खुलासा झाला आहे की, रिया आपला भाऊ शौविककडे ड्रग्जची मागणी करत होती. एबीपी न्यूजला 15 मार्च 2020 रोजीचं व्हॉट्सअॅप चॅट हाती लागलं आहे. या चॅटमध्ये रिया आपला भाऊ शौविक चक्रवर्तीकडे ड्रग्जची मागणी करत आहे. रिया यामध्ये एका तिसऱ्या व्यक्तीचाही उल्लेख करत आहे. रिया म्हणत आहे की, तो दिवसातून चार वेळा पिचो, त्या अंदाजाने प्लान कर. त्यानंतर शौविक तिला म्हणतो की, 'आणि बड्स, त्याला पाहिजे?' रिया म्हणते, 'हो बडसुद्धा.' शौविक म्हणतो की, 'मी 5 ग्राम बडची व्यवस्था करू शकतो, यापासून 20 सिगरेट तयार होतात.'