Sports movies : क्रिकेट चाहत्यांसाठी ट्रीट, बॉक्सऑफिसवर धुमाकूळ घालणार 'हे' बिग बजेट चित्रपट

Sports movies : मोठ्या पडद्यावर क्रिडाविषयक सिनेमांची रांग लागली आहे.

sports_movie

Bollywood Sports movies : सरकारने सिनेमागृहे सुरू करण्यास परवानगी दिल्यापासून अनेक निर्माते त्यांच्या सिनेमांच्या प्रदर्शनाच्या तारखा जाहीर करत आहेत. सध्या क्रिडाविषयक सिनेमांची रांग लागली आहे. यात रणवीर सिंहच्या '83', शाहिद कपूरच्या 'जर्सी' आणि तापसी पन्नूच्या 'शाबास मिथू' सिनेमाचा समावेश आहे. 

रणवीर सिंहचा '83' सिनेमा 24 डिसेंबरला प्रदर्शित होणार आहे. या चित्रपटाचे कथानक 1983 च्या क्रिकेट विश्वचषकाच्या विजयावर आधारित आहे. या सिनेमाचे दिग्दर्शन कबीर खानने केले आहे. या चित्रपटात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना यांच्यादेखील मुख्य भूमिका आहेत. दीपिका या चित्रपटाची सहनिर्मातीदेखील आहे.

'जर्सी' सिनेमा येत्या 31 डिसेंबरला सिनेमागृहात प्रदर्शित होणार आहे. शाहिदचा 'जर्सी' सिनेमा क्रिकेटवर भाष्य करणारा असणार आहे. 'जर्सी' सिनेमात शाहिद कपूर एका क्रिकेटरचे पात्र साकारणार आहे. सिनेमात शाहिद कपूर एका माजी क्रिकेटपटूची भूमिका साकारत आहे. सिनेमात मृणाल ठाकूर शाहिदच्या पत्नीची भूमिका साकारत आहे. गौतम तिन्ननुरी यांनी या सिनेमाचे दिग्दर्शन केले आहे.

तापसी पन्नूची मुख्य भूमिका असलेल्या 'शाबास मिथू' सिनेमाची घोषणा झाल्यापासून सिनेमा चर्चेत आहे. भारतीय महिला क्रिकेट संघाची कर्णधार मिताली राजच्या आयुष्यावर आधारित हा सिनेमा असणार आहे. मिताली राज एक यशस्वी महिला क्रिकेटपटूंपैकी एक मानली जाते. बहुप्रतिक्षित  'शाबास मिथू' सिनेमा 4 फेब्रुवारी 2022 रोजी रुपेरी पडद्यावर झळकणार आहे.  

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha