Sonu Sood on Hardik Pandya : IPL मध्ये ट्रोल होणाऱ्या हार्दिक पांड्याला सोनू सूदचा फुल्ल सपोर्ट! पोस्ट शेअर करत म्हणाला,"आज जयजयकार करता, उद्या चिडवता"

Sonu Sood on Hardik Pandya : IPL मध्ये ट्रोल होत असलेल्या मुंबई इंडियन्सचा कर्णधार हार्दिक पांड्याच्या समर्थनार्थ अभिनेता सोसू सूदने खास पोस्ट लिहिली आहे. MI च्या कर्णधारासाठी सोनू सूद मैदानात उतरलेला पाहायला मिळत आहे.

Sonu Sood on Hardik Pandya

Sonu Sood Supports Hardik Pandya : बॉलिवूड अभिनेता सोनू सूद (Sonu Sood) नेहमीच विविध विषयांवर आपलं मत मांडत असतो. सोनूचा मोठा चाहतावर्ग असून त्याच्या प्रत्येक कृतीचं चाहत्यांकडून कौतुक होत असतं. आता आयपीएलमध्ये (IPL) ट्रोल होत असलेल्या मुंबई इंडियन्सचा कर्णधार (Mumbai Indians) हार्दिक पांड्या (Hardik Pandya) याच्या समर्थनार्थ अभिनेता सोनू सूदने खास पोस्ट लिहिली आहे. MI च्या कर्णधारासाठी सोनू सूद मैदानात उतरलेला पाहायला मिळत आहे.

मुंबई इंडियन्सचा कर्णधार हार्दिक पांड्याला गेल्या काही दिवसांपासून चांगलच ट्रोल केलं जात आहे. सामना हारल्यानंतर हार्दिकला अनेक निगेटिव्ह कमेंट्सचा सामना करावा लागत आहे. हार्दिक पांड्या पाच वेळा चॅम्पियन ठरला असला तरी त्याच्या नव्या टीमने 'IPL 2024'मध्ये आतापर्यंत दोन्ही सामने गमावले आहेत. त्यामुळे सोशल मीडियावर त्याला प्रचंड ट्रोल केलं जात आहे.

सोनू सूदचा हार्दिक पांड्याला पाठिंबा (Sonu Sood Tweet on Hardik Pandya)

सोनू सूदने ट्वीट केलं आहे की,"आपण आपल्या खेळाडूंचा आदर करायला हवा. या खेळाडूंमुळे आपल्याला आपल्या भारत देशाचा अभिमान वाटतो. हे खेळाडू देशाचं नाव सातासमुद्रापार नेणात. हे खेळाडूच देशाची मान उंचावतात. एक दिवस तुम्ही या खेळाडूंचा जयजयकार करता, तर दुसऱ्या दिवशी तुम्ही त्यांना चिडवता. यात त्यांचं नव्हे तर आपलं अपयश आहे. मला क्रिकेट प्रचंड आवडतो. तसेच माझ्या देशाचं प्रतिनिधित्व करणारा प्रत्येक क्रिकेटपटूदेखील मला आवडतो. तो कोणत्या फ्रँचायझीसाठी खेळतोय याने मला फरक पडत नाही. तसेच तो कर्णधार म्हणून खेळतोय की संघातील 15 वा खेळाडू यानेही मला फरत पडत नाही. खेळाडू आपले हिरो आहेत". 

We should respect our players. Players who made us proud, players who made our country proud. One day you cheer for them, next day you boo them.
It’s not they, it’s us who fail.
I love cricket.
I love every cricketer who represents my country.
Doesn’t matter which franchise…

— sonu sood (@SonuSood) March 29, 2024

सोनू सूदने हार्दिक पांड्याचा उल्लेख करता त्याच्यासाठी पोस्ट लिहिली आहे. हार्दिकला ट्रोल करणाऱ्यांबद्दल त्याने त्याचं मत मांडलं आहे. सोनू सूदचं हे ट्वीट सध्या सोशल मीडियावर लक्ष वेधून घेत आहे. अहमदाबाद आणि हैदराबाद या दोन्ही क्रिकेटच्या स्टेडियमवर हार्दिकला चिडवण्यात आलं होतं. खेळाडूंना दिली जाणारी ही वागणूक अभिनेता सोनू सूदला अजिबात आवडली नाही. त्यामुळे त्याने खास पोस्ट शेअर केली आहे.

संबंधित बातम्या