Shiv Jayanti : पडद्यावरचे शिवराय! अमोल कोल्हे ते शरद केळकर, शिवरायांची भूमिका साकारत प्रेक्षकांचं लक्ष वेधून घेणारे अभिनेते!

Shivaji Maharaj : आजवर मराठी-हिंदी सिनेसृष्टीतील अनेक कलाकारांनी शिवरायांची भूमिका साकारुन प्रेक्षकांचं लक्ष वेधून घेतलं आहे.

Shiv Jayanti

Shiv Jayanti 2023 Special : छत्रपती शिवाजी महाराज (Chhatrapati Shivaji Maharaj) यांचा जन्म 19 फेब्रुवारी 1630 रोजी शिवनेरीवर झाला. मराठ्यांचा स्वाभिमान असलेल्या शिवाजी महाराजांच्या कार्याची दखल मराठी सिनेसृष्टीसह हिंदी सिनेसृष्टीनेदेखील घेतली आहे. छोट्या पडद्यावरदेखील शिवाजी महाराजांचा (Shivaji Maharaj) इतिहास दाखवण्यात आला आहे. आज शिवाजी महाराज यांच्या जयंतीनिमित्त (Shiv Jayanti 2023) जाणून घ्या कोण-कोणत्या अभिनेत्यांनी पडद्यावर शिवरायांची भूमिका साकारत प्रेक्षकांचं लक्ष वेधून घेतलं आहे.

अमोल कोल्हे (Amol Kolhe)

छत्रपती शिवाजी महाराज यांची भूमिका लीलया पेलणाऱ्या अभिनेत्यांची यादीत डॉ. अमोल कोल्हे (Amol Kolhe) यांची गणना होते. अनेक मालिका, सिनेमा आणि नाटकांमध्ये त्यांनी छत्रपतींची भूमिका साकारली आहे. 

शरद केळकर (Sharad Kelkar)

'तान्हाजी: द अनसंग वॉरिअर' (Tanhaji) या गाजलेल्या सिनेमात अभिनेता शरद केळकर (Sharad Kelkar) शिवाजी महाराजांच्या भूमिकेत दिसला होता. या सुपरहिट सिनेमातील शरद केळकरच्या भूमिकेचं प्रेक्षकांकडून खूप कौतुक झालं होतं. त्याने महाराजांच्या पात्राला एका विशिष्ट उंचीवर नेऊन ठेवलं होतं. 

महेश मांजरेकर (Mahesh Manjrekar)

'मी शिवाजीराजे भोसले बोलतोय' (Me Shivajiraje Bhosale Boltoy) या 2009 साली प्रेक्षकांच्या भेटीला आलेल्या मराठी सिनेमात महेश मांजरेकरांनी (Mahesh Manjrekar) शिवरायांची भूमिका साकारली होती. 

नसिरुद्दीन शाह (Naseeruddhin Shah)

'भारत एक खोज' (Bharat Ek Khoj) या लोकप्रिय मालिकेत नसिरुद्दीन शाह (Naseeruddin Shah) यांनी शिवाजी महाराजांची भूमिका साकारली होती. त्यांच्या या भूमिकेचं प्रेक्षकांनी खूप कौतुक केलं होतं. 

शंतनू मोघे (Shantanu Moghe)

गेल्या काही दिवसांपूर्वी प्रेक्षकांच्या भेटीला आलेली 'स्वराज्यरक्षक संभाजी' (Swarajyarakshak Sambhaji) ही मालिका चांगलीच गाजली. छत्रपती संभाजी महाराजांच्या आयुष्यावर आधारित असलेल्या या मालिकेत शंतनू मोघेने (Shantanu Moghe) शिवरायांची भूमिका साकारली होती. त्याने साकारलेली शिवरायांची भूमिका प्रेक्षकांच्या पसंतीस उतरली होती. आता 'रावरंभा' या आगामी सिनेमात शंतनू मोघे शिवाजी महाराजांची भूमिका साकारणार आहेत. 

चिन्मय मांडलेकर (Chinmay Mandlekar)

'फत्तेशिकस्त' (Fatteshikast) या सिनेमात चिन्मय मांडलेकरने महाराजांची भूमिका साकारली होती. गनिमी काव्याच्या एका थरारक मोहिमेवर आधारित असलेल्या या सिनेमातील चिन्मयच्या भूमिकेचं प्रचंड कौतुक झालं होतं. 

गश्मीर महाजनी (Gashmeer Mahajani)

'सरसेनापती हंबीरराव' (Sarsenapati Hambirrao) या मराठी सिनेमात गश्मीर महाजनीने (Gashmeer Mahajani) शिवाजी महाराजांची भूमिका साकारली होती.

महत्त्वाच्या इतर बातम्या :