Shahrukh Khan : शाहरुख खानची एक चूक, महिलेनं सगळ्यांसमोर थेट कानाखाली जाळंच काढला

Shahrukh Khan : शाहरुखबद्दलचा एक किस्सा मात्र अनेकांना माहित नसावा. शाहरुख खानला एका महिलेने सगळ्यांसमोर कानशिलात लगावली होती.

Shahrukh Khan Shocking Incident

Shahrukh Khan : बॉलिवूडचा किंग खान शाहरुख खान (Shahrukh Khan) आपल्या दमदार अभिनयासाठी ओळखला जातो. सिनेसृष्टीची कोणतीही पार्श्वभूमी नसतानाही शाहरुख खानने बॉलिवूडमध्ये आपले स्थान बळकट केले. शाहरुखचा मोठा चाहता वर्गदेखील आहे. चाहत्यांबद्दल असणारे प्रेम, कामाबद्दलची प्रतिबद्धता अशा अनेक गोष्टींमुळे शाहरुखबद्दल अनेकांच्या मनात आदराची भावना आहे. शाहरुखबद्दलचा एक किस्सा मात्र अनेकांना माहित नसावा. शाहरुख खानला एका महिलेने सगळ्यांसमोर कानशिलात लगावली होती. 

काय होतं प्रकरण?

एनडीटीव्हीने दिलेल्या एका वृत्तानुसार, शाहरुख खानशी निगडीत असलेला किस्सा फार जुना आहे. त्यावेळी शाहरुख खान हा सुपरस्टार झाला नव्हता. त्यावेळी शाहरुख ट्रेनमधून प्रवास करायचा. त्यावेळी मुंबईत नवखा असणाऱ्या शाहरुखला मुंबईच्या लोकलबद्दल काहीच माहिती नव्हती. 

 

 

 

 

 

View this post on Instagram

 

 

 

 

 

 

 

 

 

 

 

A post shared by D'YAVOL X (@dyavol.x)

शाहरुख खान त्याच्या मित्रांसोबत मुंबईला भेटायला येत असताना ही घटना घडली. मुंबईतील एका रेल्वे स्थानकांवर ट्रेन थांबली तेव्हा बरेच लोक ट्रेनमध्ये चढले. एका महिला प्रवाशाने शाहरुख खानला  बसण्यासाठी जागा देण्याची विनंती केली. तेव्हा शाहरुख खानने उत्तर दिले की, तू महिला आहेस म्हणून मी तुला सीटवर जागा देत आहे. माझ्या या आरक्षित जागेवर इतर कोणालाही जागा मिळणार नाही. यानंतर ती महिला सीटवर बसली पण रागाच्या भरात तिने शाहरुख खानच्या कानशिलात लगावली. 

शाहरुख खानचे आगामी चित्रपट

 2023 मध्ये आलेल्या त्याच्या 'डंकी' या चित्रपटाने बॉक्स ऑफिसवर चांगली कमाई केली होती. या चित्रपटाला ओटीटीवरही चांगला प्रतिसाद मिळाला. शाहरुख खान 'किंग' चित्रपटात ॲक्शन अवतारात दिसणार आहे. या चित्रपटाचे दिग्दर्शन सुजॉय घोष यांनी केले आहे. हा एक ॲक्शन थ्रिलर चित्रपट असणार आहे. या चित्रपटात शाहरुख खान त्याची मुलगी सुहाना खानसोबत स्क्रीन शेअर करताना दिसणार आहे.