Salman Khan : सलमान खानच्या 'किसी का भाई किसी जान'च्या अ‍ॅडव्हान्स बुकिंगला सुरुवात! पुन्हा सिनेमागृह गजबजणार

Kisi Ka Bhai Kisi Ki Jaan : सलमान खानच्या 'किसी का भाई किसी की जान' या सिनेमाच्या अ‍ॅडव्हान्स बुकिंगला आता सुरुवात झाली आहे.

Kisi Ka Bhai Kisi Ki Jaan

Salman Khan Kisi Ka Bhai Kisi Ki Jaan Advance Booking : बॉलिवूडचा भाईजान सलमान खान (Salman Khan) चार वर्षांनी रुपेरी पडद्यावर कमबॅक करत आहे. ईदच्या मुहूर्तावर त्याचा आगामी 'किसी का भाई किसी की जान' (Kisi Ka Bhai Kisi Ki Jaan) हा सिनेमा प्रदर्शित होणार आहे. आता या सिनेमाच्या अ‍ॅडव्हान्स बुकिंगलादेखील सुरुवात झाली आहे. 

'किसी का भाई किसी की जान' हा सिनेमा 21 एप्रिलला सिनेमागृहात प्रदर्शित होणार आहे. या सिनेमाची भाईजानच्या चाहत्यांमध्ये चांगलीच क्रेझ आहे. आता या सिनेमाच्या अॅडव्हान्स बुकिंगला लंडनमध्ये सुरुवात झाली आहे. मीडिया रिपोर्टनुसार, ऑस्ट्रेलिया आणि यूरोपियन देशांमध्ये 'किसी का भाई किसी की जान' या सिनेमाचे तिकीट ट्रेलर रिलीज होण्याआधीच विकले गेले आहेत. 

'किसी का भाई किसी की जान'च्या अ‍ॅडव्हान्स बुकिंगला भारतात होणार सुरुवात

बॉलिवूड हंगामाच्या वृत्तानुसार, सलमान खानच्या 'किसी का भाई किसी की जान' या सिनेमाच्या अॅडव्हान्स बुकिंगला 17 एप्रिलपासून सुरुवात होणार असल्याचं म्हटलं जात आहे. सलमान खानचे चाहते या सिनेमाची आतुरतेने वाट पाहत आहेत. लाडक्या सेलिब्रिटीचा सिनेमा पाहण्यासाठी चाहते उत्सुक आहेत. 

सलमान खानसाठी ईद खूपच खास आहे. त्यामुळे तो ईदच्या मुहूर्तावर त्याचे सिनेमे प्रदर्शित करत असतो. 'बॉडीगार्ड', 'एक था टायगर', 'किक', 'बजरंगी भाईजान' आणि 'सुल्तान' सारखे सलमानचे सिनेमे ईदच्या मुहूर्तावर प्रदर्शित झाले आहेत. आता त्याचा 'किसी का भाई किसी की जान' हा सिनेमा सुपरहिट होतो का याकडे सर्वांचं लक्ष लागलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

फरहाद सामजी दिग्दर्शित 'किसी का भाई किसी जान' या सिनेमात सलमान खान महत्त्वाच्या भूमिकेत आहे. तसेच या सिनेमात सलमानसोबत पूजा हेगडे स्क्रीन शेअर करताना दिसणार आहे. सलमान खान आणि पूजा हेगडेसह या सिनेमात भूमिका चावला, शहनाज गिल आणि पलक तिवारीदेखील महत्त्वाच्या भूमिकेत दिसणार आहेत. 

संबंधित बातम्या