एक्स्प्लोर

Salman Khan : 'मी काळवीटाची शिकार केली नाही', बिश्नोई गँगच्या धमक्यांदरम्यान सलमान खानचा VIDEO व्हायरल

Salman Khan Confession On Blackbuck Hunting : अभिनेता सलमान खानवर काळविटाची शिकार केल्याचा आरोप आहे, याचं कारणामुळे त्याला लॉरेन्स बिश्नोई गँगकडून धमक्या मिळत आहेत.

By : नामदेव जगताप | Updated at : 23 Oct 2024 09:37 AM (IST)

Salman Khan Confession On Blackbuck Hunting

Source : Google

Salman Khan Video Viral on Blackbuck Poaching Case : बॉलिवूड सुपरस्टार सलमान खान याला लॉरेन्स बिश्नोई टोळीकडून वारंवार जीवे मारण्याची धमकी मिळत आहे. सलमान खानवर काळविटाची शिकाल केल्याचा आरोप आहे. काळवीट बिश्नोई समाजासाठी पुजनीय असल्यामुळे सलमान खानला बिश्नोई गँगकडून धमकी मिळत आहे. अलिकडे माजी मंत्री बाबा सिद्दीकींची गोळ्या झाडून हत्या करण्यात आली. त्याची जबाबदारी घेत लॉरेन्स बिश्नोई टोळीने सलमान खानसोबतची मैत्री यामागचं कारण असल्याचं सांगितलं. दरम्यान, काळवीट शिकार प्रकरण फार जुनं आहे. 1998 मध्ये सलमान खानने काळविटाची शिकार केल्याचा आरोप आहे.

सलमान खानवर काळविटाची शिकार केल्याचा आरोप

सलमान खानने एका चित्रपटाच्या शुटिंगदरम्यान काळवीटाची शिकार केल्याचा आरोप आहे. हे प्रकरण मागील 26 वर्षांपासून सलमानची पाठ सोडत नाहीय. बिश्नोई समाजामध्ये काळविटाची पूजा केली जाते. काळवीट शिकार आरोपांमुळे तो बिश्नोई गँगच्या रडारवर आला आहे. काही दिवसांपूर्वी सलमान खानचे वडील सलीम खान यांनी एका मुलाखतीत म्हटलं होतं की, "तो एक झुरळही मारु शकत नाही, तर काळविटाची शिकार कशी करेल". दरम्यान, या प्रकरणात सलमान खानचा जुना व्हिडीओ व्हायरल होत आहे.

सलमान खानचा जुना व्हिडीओ व्हायरल

सलमान खानचा एक जुना व्हिडीओ सोशल मीडियावर व्हायरल होत आहे. ज्यामध्ये सलमान खानने म्हटलं आहे की, 'मी काळविटाची शिकार केली नाही'. 2008 मध्ये इंडिया टुडेला दिलेल्या मुलाखतीत सलमान खानने हे वक्तव्य केलं होतं. सलमान खानच्या या जुन्या मुलाखतीचा व्हिडीओ सध्या सोशल मीडियावर व्हायरल होत आहे.

'मी काळवीटाची शिकार केली नाही'

या मुलाखतीत सलमान म्हणाला होता की, "ही एक मोठी कहाणी आहे. मी काळविटाची शिकार केली नाही". यानंतर त्या प्रश्ना विचारला गेला की, तो इतर कोणाचंही नाव का घेत नाही आणि त्याला गप्प राहणं योग्य का वाटतं, या प्रश्नावर सलमान म्हणाला की, "यात काही अर्थ नाही. मी कधीच कोणाबद्दल काही बोललो नाही. मला याची गरज नाही आणि मी ते करणार नाही. तुमची प्रतिष्ठा आहे, तुमचा आदर आहे".