Jitendra Awhad : वाल्मिक कराडला सगळे का घाबरतात, त्याच्याकडे कोणाचे व्हिडीओ आहेत का? मुंबईच्या जनआक्रोश मोर्चात आव्हाडांचा धनंजय मुंडेंवरही वार
Jitendra Awhad : मुंबईतील जनआक्रोश मोर्चातून जितेंद्र आव्हाड यांनी वाल्मिक कराडसह धनंजय मुंडेंवर जोरदार हल्लाबोल केलाय
Jitendra Awhad : वाल्मिक कराडला (Walmik Karad) सगळे का घाबरतात? त्याच्याकडे काही कुणाचे व्हिडिओ आहेत का? त्यामुळेच त्याला सगळे घाबरतात का? असा सवाल राष्ट्रवादी शरद पवार गटाचे आमदार जितेंद्र आव्हाड (Jitendra Awhad) यांनी उपस्थित केलाय. तसेच जितेंद्र आव्हाड यांनी मंत्री धनंजय मुंडे यांच्यावरही निशाणा साधलाय. बीड येथील मस्साजोग गावचे सरपंच संतोष देशमुख हत्या (Santosh Deshmukh Murder Case) आणि परभणीत सोमनाथ सूर्यवंशी (Somnath Suryawanshi) यांच्या मृत्यूच्या निषेधार्थ मुंबईत शनिवारी (दि. 25) जनआक्रोश मोर्चा आयोजित करण्यात आला. या मोर्चातून जितेंद्र आव्हाड बोलत होते.
जितेंद्र आव्हाड म्हणाले की, लढाई गर्दी नाही तर दर्दी लढत असतात. गर्दीवर काही नसतं. आपण कोणत्या जाणिवेतून लढाई लढतो हे महत्त्वाचे आहे. वाल्मिक कराड आजारी आहे असे म्हणतात. माझ्या माहितीनुसार तो आरामात रुग्णालयात झोपला आहे. आता त्याला मोठे आजार होतील आणि तो मस्त आराम करेल. माझ सांगणं आहे की सोडूनच द्या ना त्याला, असे त्यांनी म्हटले.
वाल्मिक कराडला सगळे का घाबरतात?
ते पुढे म्हणाले की, धनजय मुंडे यांना सत्तेत ठेऊन तुम्ही कराडची चौकशी करत आहात. असं कसं चालेल? मला कळत नाही की वाल्मिक कराडला सगळे का घाबरतात? त्याच्याकडे काही कुणाचे व्हिडिओ आहेत का? त्यामुळेच त्याला सगळे घाबरतात का? असा सवाल देखील जितेंद्र आव्हाड यांनी उपस्थित केलाय.
अक्षय शिंदेने बलात्कार केलाच नाही
सोमनाथ सूर्यवंशी यांच्या आईने 10 लाख रुपये सरकारला परत पाठवले. तिने पैसे घेतले नाहीत. तिने सांगितलं की, माझ्या मुलाला पैसे नकोत त्याला न्याय द्या. महाराष्ट्रातील कुणीही सांगवं. सोमनाथ सूर्यवंशी मेला कसा? सोमनाथचा मृत्यू जेलमध्ये झाला आहे. त्याचा श्वासोच्छवासामुळे मृत्यू झाला, असं सांगण्यात आलं. परंतु, त्याच्या कुटुंबाचं म्हणणं आहे की, असा कोणता त्रास त्याला नव्हतं. अक्षय शिंदे याची निर्घुण हत्या करण्यात आली. अक्षय शिंदे याने बलात्कार केलाच नाही. ज्यांनी बलात्कार केला तो लपण्यासाठी यांनी अक्षय शिंदेची हत्या केली. अक्षय शिंदे प्रकरणात अद्याप पोलिसांवर गुन्हा दाखल झाला नाही, असा हल्लाबोल जितेंद्र आव्हाड यांनी केलाय.
इतर महत्त्वाच्या बातम्या
महत्त्वाच्या बातम्या
