Gadar 2 First Day Collection: गदर-2 चा बॉक्स ऑफिसवर कल्ला; सलमान आणि कंगनानं केलं तोंडभरून कौतुक, म्हणाले, 'ढाई किलो का हाथ...'
गदर 2 या चित्रपटानं रिलीजच्या पहिल्या दिवशी कोट्यवधींची कमाई केल्यानंतर आता कंगना रनौतनं (Kangana Ranaut) आणि सलमान खाननं (Salman Khan) या चित्रपटाचं कौतुक केलं आहे.
Gadar 2 First Day Collection: अभिनेता सनी देओलच्या (Sunny Deol) गदर 2 (Gadar 2) या चित्रपटानं रिलीजच्या पहिल्याच दिवशी बॉक्स ऑफिसवर धुमाकूळ घातला. 11 ऑगस्टला रिलीज झालेल्या या चित्रपटाची सध्या सोशल मीडियावर चर्चा सुरु आहे. गदरचे चाहते या चित्रपटाच्या सीक्वलबद्दल खूप उत्सुक होते. गदर 2 या चित्रपटाला प्रेक्षकांकडून भरभरून प्रेम मिळत आहे. गदर 2 या चित्रपटानं रिलीजच्या पहिल्या दिवशी कोट्यवधींची कमाई केल्यानंतर आता अभिनेत्री कंगना रनौतनं (Kangana Ranaut) आणि अभिनेता सलमान खाननं (Salman Khan) या चित्रपटाचं कौतुक केलं आहे.
सलमाननं शेअर केली खास पोस्ट
सलमान खाननं सोशल मीडियावर खास पोस्ट शेअर करुन गदर-2 चित्रपटाच्या संपूर्ण टीमचे कौतुक केले. सलमाननं इन्स्टाग्रामवर गदर-2 चित्रपटाचं पोस्ट शेअर करुन कॅप्शनमध्ये लिहिलं, "ढाई किलो का हाथ चालीस करोड़ की ओपनिंग के बराबर है. सनी किंलिंग इट. गदर 2 च्या संपूर्ण टीमचे अभिनंदन."
View this post on Instagram
सलमानची ही पोस्ट कंगना रनौतनं इन्स्टा स्टोरीला शेअर करुन क्लॅपिंग इमोजी शेअर केल्या. कंगनानं या इन्स्टा स्टोरीला "मैं निकला गड्डी लेके" हे गाणे बॅकग्राऊंट म्युझिक म्हणून ठेवले.
अनिल शर्मा दिग्दर्शित 'गदर 2' हा 2001 मध्ये आलेल्या 'गदर एक प्रेम कथा' या चित्रपटाचा सिक्वेल आहे. 'गदर एक प्रेम कथा' या चित्रपटाला प्रेक्षकांची पसंती मिळाली. यामध्ये सनी देओलने तारा सिंहची भूमिका साकारली तर अमिषा पटेलने सकिनाची भूमिका साकारली. अनेक नेटकरी या चित्रपटाचा रिव्ह्यू सोशल मीडियावर शेअर करत आहेत.
View this post on Instagram
'गदर 2' या चित्रपटात तारा सिंह आणि सकिना यांची लव्हस्टोरी दाखवण्यात आली आहे. तसेच तारा सिंहचं त्याच्या मुलावर असणारे प्रेम देखील दाखवण्यात आलं आहे. गदर 2 आणि ओएमजी-2 या चित्रपटांची बॉक्स ऑफिसवर टक्कर झाली.
वाचा इतर महत्त्वाच्या बातम्या :
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
