Ranbir Kapoor : बॉबी देओलने शर्ट काढताच घाबरला रणबीर कपूर; नेमकं प्रकरण काय?

Ranbir Kapoor : बॉबी देओलला शर्टलेस पाहून रणबीर कपूर घाबरला होता. अभिनेत्याने नुकतचं एका मुलाखतीत याबद्दल भाष्य केलं आहे.

Ranbir Kapoor on Sunny Deol (Image Source : Instagram/ animalthefilm)

Ranbir Kapoor on Sunny Deol : बॉलिवूड अभिनेता रणबीर कपूरचा (Ranbir Kapoor) 'अ‍ॅनिमल' (Animal) हा सिनेमा प्रेक्षकांच्या भेटीला आला आहे. बॉक्स ऑफिसवर या सिनेमाने धुमाकूळ घातला. आता नुकत्याच एका मुलाखतीत रणबीर कपूरने (Ranbir Kapoor) या सिनेमाच्या शूटिंगदरम्यानचा एक किस्सा शेअर केला आहे. 

'अ‍ॅनिमल' या सिनेमात रणबीर कपूर (Ranbir Kapoor) आणि बॉबी देओलचा (Bobby Deol) शानदार अ‍ॅक्शन सीन दाखवण्यात आला आहे. हा सीन पाहताना सिनेमागृहातील प्रेक्षकांनी टाळ्या-शिट्ट्या वाजवल्या आहेत. पण या खलनायकाला पाहून खरंतर नायकाला भीती वाटली होती.

बॉबी देओलला पाहून रणबीरला वाटलेली भीती

'अ‍ॅनिमल' या सिनेमात रणबीर कपूरने (Ranbir Kapoor) रणविजयची भूमिका साकारली होती. तर बॉबी देओल (Bobby Deol) त्याचा चुलत भाऊ अबरार हकच्या भूमिकेत झळकला होता. या सिनेमात रणविजय आणि अबरारचा अॅक्शन सीन दाखवण्यात आला आहे. हा जबरदस्त फायटिंग सीन पाहताना प्रेक्षकांना मजा आली होती. 

नेटफ्लिक्स इंडियाला दिलेल्या मुलाखतीत रणबीर कपूर म्हणाला,"अॅनिमल'च्या शूटिंगआधी मला जिममधील ट्रेनर्सने शर्ट काढायला लावलं होतं. माझी बॉडी त्यांना आवडली होती. त्यामुळे त्यांना फोटो काढायचे होते. मी शर्ट काढल्यानंतर संपूर्ण यूनिटने टाळ्या वाजवल्या होत्या. त्यानंतर दोन दिवसांनी बॉही देओल सेटवर आला आणि त्याने शर्ट काढलं. त्यानंतर मला आणि ट्रेनर्सला असं वाटलं होतं की, आता माझा पत्ता कट होणार". 

'अ‍ॅनिमल' या सिनेमाच्या दिग्दर्शनाची धुरा संदीप रेड्डी वांगा (Sandeep Reddy Vanga) यांनी सांभाळली आहे. 1 डिसेंबर 2024 रोजी हा सिनेमा प्रेक्षकांच्या भेटीला आला आहे. रणबीर कपूर (Ranbir Kapoor) आणि रश्मिका मंदाना (Rashmika Mandana) या सिनेमात मुख्य भूमिकेत आहेत. तसेच बॉबी देओलदेखील (Bobby Deol) या सिनेमात महत्त्वाच्या भूमिकेत आहे. अनिल कपूरने या सिनेमात रणबीरच्या वडिलांची भूमिका साकारली आहे.

'अ‍ॅनिमल पार्क'चं कथानक काय? 

'अ‍ॅनिमल' हा सिनेमा नेटफ्लिक्स या ओटीटी प्लॅटफॉर्मवर रिलीज झाला आहे. या सिनेमाचा सीक्वेल अर्थात 'अॅनिमल पार्क' (Animal Park) लवकरच प्रेक्षकांच्या भेटीला येणार आहे. पण या सिनेमाचं कथानक नक्की काय असणार हे संदीप रेड्डी वांगाने गुलदस्त्यात ठेवलं असल्याचं रणबीर म्हणाला. अॅनिमलचं कथानक बॉबी देओलला माहिती नव्हतं. तसेच अनिल कपूरयांनादेखील ही फक्त वडिल-मुलाची गोष्ट आहे एवढचं माहिती होतं, असं रणबीर म्हणाला.

संबंधित बातम्या