Flood Relief: सयाजी शिंदे यांच्या 'Sakharam Binder' नाटकाचे 12 लाख दान

अभिनेते सयाजी शिंदे यांच्या 'सखाराम बाईंडर' या नाटकाच्या पहिल्या दोन प्रयोगांमधून जमा झालेली रक्कम अतिवृष्टीग्रस्तांसाठी देण्यात आली. दिल्लीत सादर झालेल्या या दोन प्रयोगांमधून बारा लाख रुपये जमा झाले. सयाजी शिंदे आणि निर्माते मनोहर जगताप यांनी या रकमेचा धनादेश मुख्यमंत्री देवेंद्र फडणवीस आणि उपमुख्यमंत्री अजित पवार यांच्याकडे सुपूर्द केला. सयाजी शिंदे यांनी या नाटकाच्या पहिल्या दहा प्रयोगांसाठी नाममात्र एक रुपया मानधन घेणार असल्याचे यापूर्वीच जाहीर केले होते. त्यांच्या या दहा प्रयोगांमधील मानधनाच्या रकमेचाही या बारा लाखांमध्ये समावेश आहे. या मदतीमुळे अतिवृष्टीग्रस्तांना मोठा आधार मिळणार आहे. कलाकारांनी सामाजिक बांधिलकी जपल्याचे यातून दिसून येते.