(Source: ECI | ABP NEWS)
Video: 2 सप्टेंबरच्या GR ला स्थगिती नाही, हायकोर्टाच्या निर्णयावर सदावर्तेंची पहिली प्रतिक्रिया; जरांग्या म्हणत पुन्हा डिवचलं
उच्च न्यायालयाने कायम स्थगिती दिलेली नाही असे काही नाही. एक दर्शनिक कारण दाखवावे लागेल तेव्हा स्थगिती दिली जाईल, असे सदावर्ते यांनी म्हटलं.
मुंबई : राज्य सरकारने 2 सप्टेंबर रोजी कुणबी मराठा आरक्षणासंदर्भात (Maratha reservation) लागू केलेल्या शासन निर्णयाविरुद्ध अनेक ओबीसी संघटना न्यायालयात दाद मागत आहेत. याप्रकरणी, हैदराबाद गॅझेटियर निर्णयाविरुद्ध दाखल याचिकेवर आज मुंबई उच्च न्यायालयात सुनावणी संपन्न झाली. या सुनावणीत न्यायालयाने याचिकाकर्त्यांच्या मागणीनुसार, संबंधित जीआरला स्थगिती देण्यास नकार दिला आहे. हायकोर्टाच्या या निर्णयाचे मनोज जरांगे पाटील यांनी स्वागत केले असून ओबीसी नेत्यांनी नाराजी दर्शवली आहे. आता, उच्च न्यायालयाच्या या निर्णयावर अॅड. गुणरत्न सदावर्ते (Gunratna sadavarte) यांनी आपली प्रतिक्रिया दिली. तसेच, मनोज जरांगे पाटील (Manoj Jarange patil) यांच्यावरही टीका केली.
उच्च न्यायालयाने कायम स्थगिती दिलेली नाही असे नाही. एक दर्शनिक कारण दाखवावे लागेल तेव्हा स्थगिती दिली जाईल, असे गुणरत्न सदावर्ते यांनी म्हटलं. जयश्री पाटील यांच्या केसेसमध्ये आपण जाहिराती दाखविल्या होत्या. मी कोर्टाला विनंती करेल की, एक लेजिस्लेचर चॅलेंज सुरू आहे, तर दुसऱ्या शासन निर्णयामुळे दुसरे प्रकरण आले आहे. त्यामुळे हे दोन्ही प्रकरण एकाच न्यायमूर्तींकडे यायला हवे, असेही सदावर्ते यांनी म्हटलं. राजकारणात वेगवेगळे फॅक्टर काम करतात, मराठाइतर जे मुख्यमंत्री असतात तेव्हा शरद पवारांसारखे लोक फाटले की ठिगळ लावण्याचं काम करतात. सगळ्या पक्षातले मराठे नेते एकत्र येताना पाहायला मिळत आहे, पण कायदा डाइल्यूट करता येत नाही. छगन भुजबळ जे करत आहे ते अत्यंत योग्य आहे, काळाची गरज आहे. आरक्षण हे राजकारण नाही, जरांगे हे ठिगळ लावत आहे, अशा शब्दात सदावर्तेंनी स्थगिती निर्णयावरील कोर्टाच्या निरीक्षणावर प्रतिक्रिया देताना जरांगे पाटील यांच्यावर टीका केली.
दिल्लीत सरन्यायाधींशांवरील रोष व्यक्त करताना, काल ज्या पद्धतीने ते वकील व्यक्त झाले हे चुकीचं आहे. घोषणाबाजी केले हे भावनिक होतं. बुद्धांच्याही भावना बौध गया प्रकरणी दुखावल्या गेल्या आहेत. व्यक्त होण्याचा मानवी स्वभाव आहे, पण व्यक्त होताना काळजी घेणं गरजेचं आहे, असे सदावर्ते यांनी म्हटलं.
शिवसेना एकनाथ शिंदेंचीच - सदावर्ते (Sadavarte on shivsena)
दरम्यान, र्वोच्च न्यायलयातील शिवसेना पक्ष आणि चिन्हासंदर्भातील सुनावणीवर सदावर्ते यांना प्रश्न विचारला असता, सदावर्ते यांनी चक्क गाणं गायलं आहे. उद्धव ठाकरे यांच्यासोबत आमदार, खासदार नाहीत, ते एकनाथ शिंदेंसोबत आहेत आणि शिवसेना ही एकनाथ शिंदेंकडे राहील, असेही त्यांनी म्हटलं.
हेही वाचा
महत्त्वाच्या बातम्या
