Ponniyin Selvan 2 Trailer Out: सिंहासनासाठी होणार युद्ध; अंगावर शहारे आणणारा पोन्नियन सेल्वन 2 चा ट्रेलर झाला रिलीज
दिग्दर्शक मणिरत्नम (Mani Ratnam) यांच्या पोन्नियन सेल्वन 2 (Ponniyin Selvan 2) या चित्रपटाचा ट्रेलर प्रेक्षकांच्या भेटीस आला आहे.
Ponniyin Selvan 2 Trailer Out : गेल्या वर्षी रिलीज झालेला 'पोन्नियन सेल्वन-1' (Ponniyin Selvan 1) हा चित्रपट सुपरहिट ठरला. या चित्रपटानं प्रेक्षकांचे मनोरंजन केलं. लवकरच या चित्रपटाचा दुसरा भाग (Ponniyin Selvan 2) प्रेक्षकांच्या भेटीस येणार आहे. दिग्दर्शक मणिरत्नम (Mani Ratnam) यांच्या पोन्नियन सेल्वन 2 (Ponniyin Selvan 2) या चित्रपटाचा ट्रेलर प्रेक्षकांच्या भेटीस आला आहे. या ट्रेलरला प्रेक्षकांची पसंती मिळत आहे. ट्रेलरमध्ये ऐश्वर्या राय बच्चन (Aishwarya Rai Bachchan) आणि अभिनेता विक्रमचा खास अंदाज प्रेक्षकांना बघायला मिळत आहे.
मंगळवारी (28 मार्च) अभिनेत्री ऐश्वर्या राय बच्चननं (Aishwarya Rai Bachchan) सोशल मीडियावर पोन्नियन सेल्वन 2 या चित्रपटाच्या ट्रेलरची माहिती दिली होती. आता बुधवारी (29 मार्च) या चित्रपटाचा ट्रेलर प्रेक्षकांच्या भेटीस आला आहे. या ट्रेलरमध्ये दिसत आहे की, पोन्नियन सेल्वन-1 मध्ये चोल शासकांचा अपूर्ण राहिलेला बदला ते पोन्नियन सेल्वन 2 मध्ये पूर्ण करणार आहेत. सिंहासनासाठी यावेळी महायुद्ध होणार आहे, असं पोन्नियन सेल्वन 2 च्या ट्रेलरमध्ये दिसत आहे. आता प्रेक्षक या चित्रपटाची उत्सुकतेने वाट बघत आहेत.
कधी रिलीज होणार पोन्नियन सेल्वन 2 (Ponniyin Selvan 2)?
पोन्नियन सेल्वन 2 हा चित्रपट कधी रिलीज होणार? असा प्रश्न आता चित्रपटाचा ट्रेलर पाहिल्यानंतर प्रेक्षकांना पडला आहे. पोन्नियन सेल्वन 2 हा चित्रपट 28 एप्रिल रोजी प्रेक्षकांच्या भेटीस येणार आहे. ऐश्वर्या राय आणि विक्रमचे चाहते या चित्रपटाची उत्सुकतेने वाट बघत आहेत.
पाहा ट्रेलर:
पोन्नियन सेल्वन 2 ची स्टार कास्ट
अभिनेत्री ऐश्वर्या राय बच्चन पोन्नियिन सेल्वनमध्ये राणी नंदिनीची भूमिका साकारली आहे. तर अभिनेता चियान विक्रम शोभिता धूलिपाला आणि जयम रवी या कलाकारांनी देखील या चित्रपटात महत्वाची भूमिका साकारली आहे. गेल्या वर्षी 30 सप्टेंबर रोजी पोन्नियन सेल्वन या चित्रपटाचा पहिला भाग हा चित्रपट प्रेक्षकांच्या भेटीस आला होता. हिंदी, तमिळ, तेलगू, कन्नड आणि मल्याळम या भाषांमध्ये हा चित्रपट रिलीज झाला. पोन्नियिन सेल्वन हा सिनेमा कल्कि यांच्या तमिळ कादंबरीवर आधारित आहे. ही कादंबरी 1995 मध्ये काल्कि यांनी लिहिली आहे.
View this post on Instagram
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
