Mirzapur 3 Ali Fazal Hints Release Date : 'पंचायत-3' मध्ये लपली आहे 'मिर्झापूर-3' च्या रिलीजची डेट, गुड्डू भैय्याने दिली हिंट
Mirzapur 3 Ali Fazal Hints Release Date : अभिनेता अली फजल म्हणजेच मिर्झापूर गुड्डू भैय्याने रिलीज डेट बाबत हिंट दिली आहे. सोशल मीडियावर एका चाहत्याने विचारलेल्या प्रश्नाला उत्तर देताना अली फजलने रिलीज डेटची हिंट दिली.
Ali Fazal Hints Mirzapur 3 Release Date: ओटीटीवर धुमाकूळ घालणारी वेब सीरिज 'मिर्झापूर'च्या (Mirzapur) तिसऱ्या सीझनची चाहत्यांना प्रतीक्षा लागली आहे. मिर्झापूर 3 ही वेब सीरिज आता लवकरच जाहीर होऊ शकते. या वेब सीरिजच्या रिलीज डेट बाबत फारशी माहिती समोर आली नसली तरी मिर्झापूरचे कलाकार रिलीज डेटची हिंट देत आहेत.
अभिनेता अली फजल (Ali Fazal) म्हणजेच मिर्झापूर गुड्डू भैय्याने रिलीज डेट बाबत हिंट दिली आहे. सोशल मीडियावर एका चाहत्याने विचारलेल्या प्रश्नाला उत्तर देताना अली फजलने रिलीज डेटची हिंट दिली.
अली फजलने दिली हिंट
एका चाहत्याने म्हटले की, मी पंचायत-3 ही वेब सीरिज पाहिली नाही तर चालेल का? मिर्झापूरच्या तिसऱ्या सीझनची उत्सुकता आहे. या चाहत्याला उत्तर देताना अली फजल म्हणाला की, पंचायत सीरिज पाहा, त्यामध्ये मिर्झापूरच्या रिलीज डेटशी संबंधित एक धागादोरा लपला आहे.
Watch Panchayat , it has a big hidden clue for MIRZAPUR SEASON 3 #msw3 @PrimeVideoIN https://t.co/CLP9HVdrl9
— Ali Fazal M / میر علی فضل / अली (@alifazal9) May 30, 2024
'मिर्झापूर-3' च्या रिलीज डेट बाबत अनेक तर्क लढवले जात आहे. प्राईम व्हिडीओने देखील आपल्या इन्स्टाग्राम अकाउंटवर वेगवेगळ्या प्रकारे चाहत्यांना रिलीज डेटची हिंट देत आहे. जून महिन्यात मिर्झापूरचा तिसरा सीझन रिलीज होईल असे म्हटले जात होते. आता, मात्र जुलै महिन्यापर्यंत प्रतीक्षा करावी लागेल असे वृत्त आहे.
'मिर्झापूर 3' ची कथा काय?
मिर्झापूरच्या सत्तेसाठीचा संघर्ष दिसून आला. आता मिर्झापूरच्या या तिसऱ्या सीझनमध्ये कोणता ट्विस्ट येणार याची चाहत्यांना उत्सुकता आहे. मिर्झापूरच्या सत्तेची गादी कोणाकडे असणार, गुड्डू भैय्या आपला दावा सांगणार का, बिना भाभी आपल्या लहान बाळाला मिर्झापूरच्या गादीवर बसवून स्वत: सगळी सूत्रे सांभाळणार का, कालीन भैय्या काय करणार? या सगळ्या प्रश्नांची उकल होणार आहे.
'मिर्झापूर' या वेब सीरिजच्या दोन्ही सीझनला चाहत्यांनी भरभरून प्रेम दिले होते. पहिला सीझन 2018 मध्ये प्रेक्षकांच्या भेटीला आलेला. या वेब सीरिजची चांगलीच चर्चा झाली. त्यानंतर दुसरा सीझन 2020 मध्ये रिलीज झाला. मिर्झापूरच्या दुसऱ्या सीझनला चांगलाच प्रतिसाद मिळाला. दुसरा सीझनही गाजला. आता मिर्झापूरच्या तिसऱ्या सीझनची प्रतीक्षा लागली आहे. 'मिर्झापूर'चा तिसरा सीझन जून 2024 मध्ये रिलीज होणार असल्याची प्रतीक्षा होती. मात्र, आता नव्या वृत्तानुसार चाहत्यांना जुलैपर्यंत प्रतीक्षा करावी लागू शकते.
महत्त्वाच्या बातम्या
