Telly Masala : 'सुभेदार' सिनेमा कसा आहे? ते हिंदुत्वाची व्याख्या बदलायला लावणारा 'धर्मवीर 2'; जाणून घ्या मनोरंजन विश्वासंबंधित बातम्या...

Telly Masala : मराठी मनोरंजन विश्वासंबंधित बातम्या जाणून घ्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Subhedar Review : 'सुभेदार' कसा आहे? वाचा रिव्ह्यू...

Subhedar : नरवीर तानाजी मालुसरेंच्या (Tanaji Malusare) पराक्रमाची गाथा आपल्या प्रत्येकालाच मुखोद्गत आहे. हिंदवी स्वराज्यासाठी त्यांनी दाखवलेलं शौर्य आणि दिलेलं सर्वोच्च बलिदान म्हणजे आपल्या साऱ्यांचाच अभिमान. तेव्हा याच अभिमानाची गोष्ट रुपेरी पडद्यावर पाहायला जाताना मनात हाच विचार होता की या पराक्रमापलीकडे जे आपण आजवर कधीच पाहिलं नाही, ऐकलं नाही किंवा आपल्यापर्यंत पोहोचलं नाही अशा कोणत्या गोष्टी ‘सुभेदार’ आपल्या समोर मांडणार आणि एवढंच सांगेन की ‘सुभेदार’ने (Subhedar) नाराज केलं नाही.

Gashmeer Mahajani : "आमचं नातं एकतर्फी होतं..गेल्या तीन वर्षांपासून..."; वडिलांच्या निधनानंतर अखेर गश्मीर महाजनीचा खुलासा

Gashmeer Mahajani Relation With Father Ravindra Mahajani : अभिनेते रविंद्र महाजनी (Ravindra Mahajani) यांच्या निधनानंतर त्यांच्या मुलाला म्हणजेच अभिनेता गश्मीर महाजनीला (Gashmeer Mahajani) प्रचंड ट्रोल करण्यात आले. रविंद्र महाजनी यांच्या निधनानंतर ते त्यांच्या मुलासोबत का राहत नव्हते, पुण्यात एकटे का राहायचे असे अनेक प्रश्न उपस्थित केले गेले. पण आता वडिलांच्या निधनानंतर अभिनेत्याने त्याचं वडिलांसोबत असलेल्या नात्याबद्दल भाष्य केलं आहे. 

Dharmaveer 2 : हिंदुत्वाची व्याख्या बदलायला लावणारा 'धर्मवीर 2'; प्रवीण तरडेंची एबीपी माझाला माहिती

Dharmaveer 2 : धर्मवीर आनंद दिघे (Anand Dighe) यांच्या पुण्यतिथीनिमित्त 'धर्मवीर 2' (Dharmaveer 2) या सिनेमाच्या टीमने साहेबांच्या शक्तीस्थळाला भेट देऊन अभिवादन केलं. तसेच अधिकृतरित्या सिनेमाची घोषणा केली. प्रवीण तरडे (Pravin Tarde) या सिनेमाच्या दिग्दर्शनाची धुरा सांभाळणार आहे. या सिनेमाबद्दल बोलताना ते म्हणाले,"हिंदुत्वाची व्याख्या बदलायला लावणारा हा सिनेमा असणार आहे".

Smita Deo Post : सीमा देव यांच्या निधनानंतर सूनेची भावूक पोस्ट, म्हणाल्या, 'सासू नाही माझी आईच..'

Smita Deo Emotional Post on Seema Deo : मराठी चित्रपटसृष्टीतील प्रसिद्ध अभिनेत्री सीमा देव (Seema Deo) यांनी 24 ऑगस्ट रोजी अखेरचा श्वास घेतला. सीमा देव गेल्या तीन वर्षांपासून अल्झायमर या आजाराने त्रस्त होत्या. त्यांच्या निधनाने संपूर्ण चित्रपटसृष्टीचे मोठे नुकसान झाले आहे. अशातच सीमा देव यांची सून स्मिता देव यांनी सोशल मीडियावर भावनिक पोस्ट शेअर केली आहे. आता त्यांच्या पश्चात त्यांची दोन मुलं अजिंक्य देव, अभिनय देव, दोन सुना, नातवंडं आहेत. स्मिता देव यांनी शेअर केलेली पोस्ट सध्या सोशल मीडियावर चर्चेत आहे.

Subhedar : अजय देवगणच्या 'तान्हाजी'वर भारी पडलाय मराठमोळा 'सुभेदार'; जाणून घ्या IMDB रेटिंग अन् कमाईबद्दल...

Subhedar Marathi Movie IMDB Rating And Box Office Collection : 'सुभेदार' (Subhedar) या ऐतिहासिक सिनेमाचा बॉक्स ऑफिसवर बोलबाला आहे. प्रेक्षकांच्या पसंतीस उतरलेल्या या सिनेमाचं सर्वत्र कौतुक होत आहे. बॉलिवूड अभिनेता अजय देवगणच्या (Ajay Devgn) 'तान्हाजी'वर (Tanhaji) हा मराठमोळा सिनेमा भारी पडला आहे.