मनोहर पर्रिकरांच्या निधनानंतर बॉलिवूडही शोकसागरात, बिग बींसह अनेक कलाकरांनी व्यक्त केलं दु:ख

गोव्याचे मुख्यमंत्री मनोहर पर्रिकर यांचं रविवारी रात्री कर्करोगाच्या दीर्घ आजाराने निधन झाले. बॉलिवुडमधीलही अनेक कलाकारांनी पर्रिकरांच्या निधनाबद्दल दु:ख व्यक्त करत त्यांना श्रद्धांजली वाहिली आहे.

मुंबई : गोव्याचे मुख्यमंत्री मनोहर पर्रिकर यांचं वयाच्या 63 व्या वर्षी कर्करोगाच्या दीर्घ आजाराने निधन झालं. गेल्या काही दिवसांपासून त्यांची तब्येत खालावली होती. पर्रिकरांच्या निधनानंतर देश शोकसागरात बुडाला आहे. बॉलिवुडमधील अनेक कलाकारांनी पर्रिकरांच्या निधनाबद्दल दु:ख व्यक्त करत त्यांना श्रद्धांजली वाहिली आहे.

अभिनेते अमिताभ बच्चन म्हटलं की, "गोव्याचे मुख्यमंत्री मनोहर पर्रिकर नाही राहिले.. ते सज्जन व्यक्ती होते.. त्यांच्यासोबत काही वेळ घालवल होता... अत्यंत प्रतिष्ठित व्यक्ती... धैर्याने त्यांनी आपल्या आजाराचा सामना केला.."

T 3122 - Manohar Parikar CM Goa, passes away .. a gentleman to the core, simple in demeanour and well respected .. spent few short moments with him .. very dignified .. fought his illness bravely .. prayers and condolences ????????

— Amitabh Bachchan (@SrBachchan) March 17, 2019

अक्षय कुमारनेही ट्विटरवरुन दु:ख व्यक्त केलं आहे. "मनोहर पर्रिकर यांच्या निधनाची बातमी ऐकूण खुप दु:ख झालं. मी भाग्यवान आहे की मी त्यांना भेटू शकलो आणि उत्तम व्यक्तीमत्त्वाला जाणून घेतलं."

Extremely sad at hearing about the demise of Sh. Manohar Parrikar Ji. I feel blessed to have had the fortune of meeting and knowing a sincere and good soul as he was. Heartfelt condolences to his family????????

— Akshay Kumar (@akshaykumar) March 17, 2019

अभिनेत्री स्वरा भास्करनेही पर्रिकरांच्या निधनावर दु:ख व्यक्त केलं आहे. मनोहर पर्रिकर यांच्या आत्म्यास शांती मिळो आणि त्यांच्या कुटुंबाला या दु:खद परिस्थितीचा सामना करण्यास ताकद मिळण्याची प्रार्थना स्वराने केली आहे.

RIP Shri #ManoharParrikar Condolences and strength to the family in this tragic time of grief.

— Swara Bhasker (@ReallySwara) March 17, 2019

मनोहर पर्रिकर यांच्या निधनाबाबत संवेदना व्यक्त करते. त्यांच्या सर्व चाहत्यांना आणि समर्थकांना या दु:खाचा सामना करण्याची ताकद मिळो, असं ट्वीट अभिनेत्री निमरत कौरने केलं आहे.

Deepest condolences on the very saddening demise of Manohar Parrikar ji. My prayers and strength to all his loved ones. #RIPManoharParrikar

— Nimrat Kaur (@NimratOfficial) March 17, 2019