Kisi Ka Bhai Kisi Ki Jaan: सलमान आणि पूजाचा रोमँटिक अंदाज; 'किसी का भाई किसी की जान' मधील 'जी रहे थे हम' गाण्याचा टीझर रिलीज
'किसी का भाई किसी की जान' (Kisi Ka Bhai Kisi Ki Jaan) या चित्रपटातील 'जी रहे थे हम' हे गाणं प्रेक्षकांच्या भेटीस येणार आहे. या गाण्याचा टीझर रिलीज झाला आहे.
Jee Rahe The Hum Song Teaser: अभिनेता सलमान खानच्या (Salman Khan) आगामी चित्रपटांची प्रेक्षक उत्सुकतेने वाट बघत असतात. सलमानचा 'किसी का भाई किसी की जान' (Kisi Ka Bhai Kisi Ki Jaan) हा चित्रपट लवकरच प्रेक्षकांच्या भेटीस येणार आहे. या चित्रपटातील 'नय्यो लगदा' आणि 'बिल्ली बिल्ली' ही दोन गाणी प्रेक्षकांच्या भेटीस आली. या गाण्यांना प्रेक्षकांची पसंती मिळाली. आता लवकरच या चित्रपटातील 'जी रहे थे हम' (Jee Rahe The Hum) हे गाणं प्रेक्षकांच्या भेटीस येणार आहे. या गाण्याचा टीझर रिलीज झाला आहे. या गाण्यात सलमान खान आणि अभिनेत्री पूजा हेगडे (Pooja Hegde) यांचा रोमान्स बघायला मिळणार आहे.
सलमान खाननं सोशल मीडियावर किसी का भाई किसी की जान या चित्रपटातील 'जी रहे थे हम' या गाण्याचा टीझर सोशल मीडियावर शेअर केला आहे. या टीझरला सलमाननं कॅप्शन दिलं, 'फॉल इन लव्ह'. 'जी रहे थे हम' या गाण्याच्या टीझरमध्ये सलमान आणि पूजाचा रोमँटिक अंदाज दिसत आहे. 'जी रहे थे हम' हे गाणं 21 मार्च रोजी प्रेक्षकांच्या भेटीस येणार आहे.
पाहा टीझर:
View this post on Instagram
'किसी का भाई किसी की जान' ची तगडी स्टार कास्ट
'किसी का भाई किसी की जान' या चित्रपटाची निर्मिती सलमान खानसह साजिद नाडियाडवालाने केली आहे. या चित्रपटात पूजा आणि सलमानची जोडी पाहण्यासाठी प्रेक्षक उत्सुक आहेत. या चित्रपटात सलमान आणि पूजा यांच्यासोबत शहनाज गिल, भूमिका चावला, साऊथ सुपरस्टार वेकेंटश दग्गुबाती, पलक तिवारी, सिद्धार्थ निगम, जस्सी गिल हे कलाकार देखील प्रमुख भूमिका साकारणार आहेत.
सलमानचे आगामी चित्रपट
'किसी का भाई किसी की जान' या चित्रपटाबरोबरच सलमानचा 'टायगर-3' हा चित्रपटदेखील लवकरच प्रेक्षकांच्या भेटीस येणार आहे. किक-2 तसेच नो एन्ट्रीच्या सिक्वेलमधून सलमान प्रेक्षकांच्या भेटीस येणार आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
