करण जोहरकडून मुलांचा फोटो पहिल्यांदाच शेअर

बॉलिवूड दिग्दर्शक आणि सिनेनिर्माता करण जोहरने पहिल्यांदाच त्याच्या जुळ्या मुलांचा फोटो शेअर केला आहे.

मुंबई : बॉलिवूड दिग्दर्शक आणि सिनेनिर्माता करण जोहरने पहिल्यांदाच त्याच्या जुळ्या मुलांचा फोटो शेअर केला आहे. करण जोहर सध्या आयफा पुरस्कार सोहळ्यासाठी न्यूयॉर्कमध्ये आहे. यश आणि रुही या मुलांची आठवण आल्यामुळे त्याने हा फोटो शेअर केला. करण जोहरने शेअर केलेल्या फोटोंमध्ये मुलांचा चेहरा दाखवण्यात आलेला नाही. यावर्षी सरोगसीच्या माध्यमातून या दोन मुलांचा जन्म झाला आहे. ज्यामध्ये एका मुलीचा समावेश आहे, तर एक मुलगा आहे.

A post shared by Karan Johar (@karanjohar) on Jul 17, 2017 at 9:58pm PDT

करण जोहरने मुलांचं नाव यश आणि रुही का ठेवलं, यामागेही खास कारण आहे. करणने आपल्या मुलीचं ‘रुही’, तर मुलाचं ‘यश’ असं नामकरण केलं. करणचे वडील आणि दिवंगत निर्माते यश जोहर यांच्या नावावरुन यश, तर आई हिरु जोहर यांच्या नावातील अक्षरांवरुन रुही हे नाव ठेवण्यात आलं आहे. मुंबईच्या अंधेरी भागातील मसरानी रुग्णालयात 7 फेब्रुवारीला या दोन बाळांचा जन्म झाल्याची माहिती आहे. मात्र अनेक दिवस जोहर कुटुंबाने ही गोष्ट उघड केली नाही. वडील म्हणून करणच्या नावाची नोंदणी करण्यात आली असून आईच्या नावाचा उल्लेख नाही. करण जोहरने यापूर्वी अनेक वेळा पिता होण्याची इच्छा जाहीर केली होती. त्यामुळे करण लग्न करणार असल्याची अटकळ बॉलिवूडसह तमाम चाहत्यांनी बांधली होती. मात्र सरोगसीच्या माध्यमातून सिंगल फादर होत करणने या सर्व चर्चांना छेद दिला आहे. भारतात 2002 पासून सरोगसी कायदेशीर आहे, मात्र आई किंवा वडील यांपैकी एक जण दाता असणं बंधनकारक आहे.