एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
करण जोहरकडून मुलांचा फोटो पहिल्यांदाच शेअर
बॉलिवूड दिग्दर्शक आणि सिनेनिर्माता करण जोहरने पहिल्यांदाच त्याच्या जुळ्या मुलांचा फोटो शेअर केला आहे.
![करण जोहरकडून मुलांचा फोटो पहिल्यांदाच शेअर Karan Johar Shares The First Picture Of His Twins Yash And Roohi See Photo करण जोहरकडून मुलांचा फोटो पहिल्यांदाच शेअर](https://static.abplive.com/wp-content/uploads/sites/4/2017/07/18144345/karan-johar-759-580x395.jpg?impolicy=abp_cdn&imwidth=1200&height=675)
मुंबई : बॉलिवूड दिग्दर्शक आणि सिनेनिर्माता करण जोहरने पहिल्यांदाच त्याच्या जुळ्या मुलांचा फोटो शेअर केला आहे. करण जोहर सध्या आयफा पुरस्कार सोहळ्यासाठी न्यूयॉर्कमध्ये आहे. यश आणि रुही या मुलांची आठवण आल्यामुळे त्याने हा फोटो शेअर केला.
करण जोहरने शेअर केलेल्या फोटोंमध्ये मुलांचा चेहरा दाखवण्यात आलेला नाही. यावर्षी सरोगसीच्या माध्यमातून या दोन मुलांचा जन्म झाला आहे. ज्यामध्ये एका मुलीचा समावेश आहे, तर एक मुलगा आहे.
करण जोहरने यापूर्वी अनेक वेळा पिता होण्याची इच्छा जाहीर केली होती. त्यामुळे करण लग्न करणार असल्याची अटकळ बॉलिवूडसह तमाम चाहत्यांनी बांधली होती. मात्र सरोगसीच्या माध्यमातून सिंगल फादर होत करणने या सर्व चर्चांना छेद दिला आहे. भारतात 2002 पासून सरोगसी कायदेशीर आहे, मात्र आई किंवा वडील यांपैकी एक जण दाता असणं बंधनकारक आहे.
करण जोहरने मुलांचं नाव यश आणि रुही का ठेवलं, यामागेही खास कारण आहे. करणने आपल्या मुलीचं ‘रुही’, तर मुलाचं ‘यश’ असं नामकरण केलं. करणचे वडील आणि दिवंगत निर्माते यश जोहर यांच्या नावावरुन यश, तर आई हिरु जोहर यांच्या नावातील अक्षरांवरुन रुही हे नाव ठेवण्यात आलं आहे. मुंबईच्या अंधेरी भागातील मसरानी रुग्णालयात 7 फेब्रुवारीला या दोन बाळांचा जन्म झाल्याची माहिती आहे. मात्र अनेक दिवस जोहर कुटुंबाने ही गोष्ट उघड केली नाही. वडील म्हणून करणच्या नावाची नोंदणी करण्यात आली असून आईच्या नावाचा उल्लेख नाही.
![karan22](https://static.abplive.com/wp-content/uploads/sites/4/2017/07/18144244/karan22.jpg)
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्रिकेट
भारत
क्रिकेट
महाराष्ट्र
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion