Kangana Ranaut: कंगनाने इस्रोच्या महिला शास्त्रज्ञांचे केले कौतुक; म्हणाली,'बिंदी, सिंदूर आणि मंगळसूत्र...'
Kangana Ranaut: कंगनानं इंस्टाग्रामवर महिला शास्त्रज्ञांच्या ग्रुपचा फोटो शेअर केला. आणि या फोटोला तिनं खास कॅप्शन दिलं.
Kangana Ranaut: बॉलिवूडमधील प्रसिद्ध अभिनेत्री कंगना रणौतने (Kangana Ranaut) चांद्रयान-3 (Chandrayaan-3) मोहिमेसाठी काम करणाऱ्या इस्रोच्या (ISRO) प्रमुख शास्त्रज्ञांचे कौतुक केले आहे. कंगनानं इंस्टाग्रामवर महिला शास्त्रज्ञांच्या ग्रुपचा फोटो शेअर केला. आणि या फोटोला तिनं खास कॅप्शन दिलं.
कंगनानं शेअर केलेल्या फोटोमध्ये, इस्रोच्या महिला शास्त्रज्ञ फोटोसाठी पोज देताना दिसत आहेत. महिला शास्त्रज्ञांचा फोटो शेअर करुन कंगनाने कॅप्शनमध्ये लिहिले, 'भारतातील आघाडीचे शास्त्रज्ञ. त्या सर्वांनी बिंदी, सिंदूर लावलेलं आणि मंगळसूत्र परिधान केलेलं दिसत आहे. साधी राहणी आणि उच्च विचारसरणीचे हे प्रतीक आहे.'
पंतप्रधान नरेंद्र मोदी (Narendra Modi) यांनी 'मन की बात' (Mann Ki Baat) या कार्यक्रमामध्ये चांद्रयानाच्या मोहिमेतील नारीशक्तीच्या योगदानाबद्दल देखील भाष्य केलं. याबाबत बोलताना त्यांनी म्हटलं आहे की, "भारतातील महिला या आता अंतराळाला देखील आव्हान देत आहेत. भारताच्या मुलींची महत्त्वकांक्षा इतकी वाढली आहे की, देशाचा विकास करण्यापासून त्यांना आता कोणीही थांबवू शकत नाही."
कंगना रणौत ही सोशल मीडियावर विविध विषयांवरील मतं मांडत असते. कंगनाच्या आगमी चित्रपटांची प्रेक्षक उत्सुकतेने वाट बघत असतात.
कंगनाचे आगामी चित्रपट
कंगनाच्या आगामी चित्रपटांची प्रेक्षक उत्सुकतेने वाट बघत असतात. कंगनाचा चंद्रमुखी 2 हा चित्रपट लवकरच रिलीज होणार आहे. कंगना (Kangana Ranaut) ही चंद्रमुखी 2 या चित्रपटाबरोबरच इमर्जन्सी आणि तेजस या चित्रपटामधून प्रेक्षकांच्या भेटीस येणार आहे.
इमर्जन्सी चित्रपटाची स्टार कास्ट
कंगनाच्या इमर्जन्सी (Emergency) या चित्रपटात श्रेयस तळपदे, अनुपम खेर, महिमा चैधरी यांनी प्रमुख भूमिका साकारणार आहेत. इमर्जन्सी या चित्रपटामध्ये कंगना इंदिरा गांधी यांची भूमिका साकारणार आहे. तर या चित्रपटामध्ये श्रेयस तळपदे हा अटल बिहारी वाजपेयी यांची भूमिका साकारणार आहे. तसेच अनुपम खेर हे या चित्रपटात जय प्रकाश नारायण यांची भूमिका साकारत आहेत.
कंगनाचा 'टिकू वेड्स शेरू' हा चित्रपट ओटीटी प्लॅटफॉर्मवर रिलीज झाला होता.
View this post on Instagram
संबंधित बातम्या
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
