Jawan: नागपूर पोलिसांचे खास ट्वीट; 'जवान'मधील शाहरुखच्या विविध लूक्सचे फोटो शेअर करुन म्हणाले, 'जेव्हा तुम्ही असे...'

Jawan:   नागपूर पोलिसांच्या ट्विटर अकाऊंटवरुन एक खास ट्वीट करण्यात आलं आहे.

Jawan

Jawan:  अभिनेता शाहरुख खानचा (Shah Rukh Khan) जवान (Jawan) हा चित्रपट आज (7 सप्टेंबर) प्रेक्षकांच्या भेटीस आला आहे. जवान चित्रपट पाहण्यासाठी प्रेक्षकांनी थिएटरबाहेर गर्दी केली आहे. या चित्रपटाचं अनेक जण सोशल मीडियावर कौतुक करत आहेत. नुकतेच नागपूर पोलिसांच्या ट्विटर अकाऊंटवरुन एक खास ट्वीट करण्यात आलं आहे. त्यांनी या ट्वीटमध्ये  जवान या चित्रपटामधील  शाहरुखच्या लूक्सचा फोटो शेअर केला आहे.

नागपूर पोलिसांच्या ट्विटर अकाऊंटवरुन एक खास ट्वीट शेअर करण्यात आलं आहे. या ट्वीटमध्ये शाहरुख खानचे जवान चित्रपटामधील विविध लूक्सचा फोटो शेअर करण्यात आला आहे. या लूक्सला विविध सोशल मीडिया प्लॅटफॉर्म्सची नावं देण्यात आली आहेत.  

नागपूर पोलिसांनी शाहरुखच्या लूक्सचा फोटो शेअर करुन कॅप्शनमध्ये लिहिलं,'जेव्हा तुम्ही असे पासवर्ड ठेवता तेव्हा कोणताही फसवणूक करणारा वाचू शकत नाही.'  नागपूर पोलिसांनी या ट्वीटच्या माध्यमातून लोकांमध्ये सायबर फसवणुकीबाबत जनजागृती करण्याचा प्रयत्न केला आहे.

Jab aap aise passwords rakhte ho na, toh koi bhi fraudster tik nahi sakta.#KingKhanPasswords #CyberSafety #NagpurCityPolice pic.twitter.com/lby0zr3ixJ

— Nagpur City Police (@NagpurPolice) September 6, 2023

'जवान' या चित्रपटामध्ये शाहरुख खानशिवाय नयनतारा आणि विजय सेतुपती यांच्याही मुख्य भूमिका आहेत. या चित्रपटात दीपिका पादुकोणनं कॅमिओ रोल केला आहे. तसेच सान्या मल्होत्रा, प्रियामणी आणि रिद्धी डोगरा सारखे कलाकारही चित्रपटात सहाय्यक भूमिकेत आहेत. हा चित्रपट  हिंदी, तामिळ आणि तेलुगू भाषेमध्ये रिलीज झाला आहे. 

सध्या सोशल मीडियावर थिएटरबाहेरील अनेक फोटो आणि व्हिडीओ व्हायरल होत आहेत. या फोटोमध्ये शाहरुखचे चाहते जल्लोष करताना दिसत आहे.  चेन्नई येथील रोहिणी थिएटरबाहेरील एक फोटो सोशल मीडियावर व्हायरल झाला आहे. या फोटोमध्ये जवान चित्रपटाच्या पोस्टरला हार घातलेला दिसत आहे.

CRAZE FOR SRK IN SOUTH INDIA 🔥 Chennai - Rohini Cinemas 👏

King of Indian Cinema 💣😳💥#Jawan #Jawanfdfs#JawanFirstDayFirstShow pic.twitter.com/9dgF1wtw3D

— Rocky bhai (@Rockyy__420) September 7, 2023

जवान चित्रपटामधील 'जिंदा बंदा', 'चलेया' आणि 'नॉट रमैया वस्तावैया' ही गाणी प्रेक्षकांच्या भेटीस आली. या गाण्यांना नेटकऱ्यांची पसंती मिळाली. या गाण्यांमध्ये शाहरुखचा हटके अंदाज प्रेक्षकांना बघायला मिळाला. आता जवान हा चित्रपट पहिल्या दिवशी किती कमाई करेल? याकडे अनेकांचे लक्ष लागले आहे.

संबंधित बातम्या: