Hera Pheri 3 : 'हेरा फेरी 3'मध्ये संजय दत्तची एन्ट्री; गॅंगस्टरच्या भूमिकेत झळकणार

Sanjay Dutt : 'हेरा फेरी 3' (Hera Pheri 3) या सिनेमात बॉलिवूड अभिनेता संजय दत्त झळकणार असल्याची माहिती समोर आली आहे.

Sanjay Dutt

Sanjay Dutt On Hera Pheri 3 : 'हेरा फेरी 3' (Hera Pheri 3) या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. या सिनेमात सुनील शेट्टी (Suniel Shetty), अक्षय कुमार (Akshay Kumar) आणि परेश रावल (Paresh Rawal) प्रमुख भूमिकेत आहेत. आता या सिनेमात संजय दत्तची (Sanjay Dutt) एन्ट्री झाल्याचे समोर आले आहे. 

'हेरा फेरी 3' या सिनेमात संजय दत्त गॅंगस्टरच्या भूमिकेत झळकणार आहे. रवी किशनच्या भावाच्या भूमिकेत संजय दत्त दिसणार आहे. अद्याप यासंदर्भात अधिकृत घोषणा झालेली नसली तरी नुकत्याच एका मुलाखतीत सुनील शेट्टी म्हणाला, "संजय दत्तसोबत काम करण्यासाठी मी खूप उत्सुक आहे. संजयचा विनोदाचा दर्जा कमाल आहे. अभिनय कौशल्य, उत्तम संवादफेक आणि विनोदाचं अचूक टायमिंग या त्याच्या जमेच्या बाजू आहेत".

'हेरा फेरी 3'बद्दल बोलताना एका मुलाखतीत संजय दत्त म्हणाला होता, "हेरा फेरी 3' हा सिनेमा मी करत आहे. या सिनेमाच्या शूटिंगसाठी मी उत्सुक आहे. या सिनेमाचा भाग होत असल्याचा मला आनंद आहे. अक्षय, सुनील आणि परेशसोबत काम करण्यात एक वेगळीच मजा आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sanjay Dutt (@duttsanjay)

'हेरा फेरी 3' लवकरच येणार प्रेक्षकांच्या भेटीला!

'हेरा फेरी' हा सिनेमा 2000 साली प्रेक्षकांच्या भेटीला आला होता. हा विनोदी सिनेमा प्रेक्षकांच्या पसंतीस उतरला. त्यानंतर 2006 साली या सिनेमाचा पुढचा भाग 'फिर हेरा फेरी' प्रेक्षकांच्या भेटीला आला. त्यामुळे गेल्या काही वर्षांपासून प्रेक्षक या सिनेमाच्या तिसऱ्या भागाची प्रतीक्षा करत आहे. आता लवकरच या सिनेमाचा तिसरा भाग प्रेक्षकांच्या भेटीला येणार आहे.  

'हेरा फेरी 3' या बहुचर्चित सिनेमाच्या दिग्दर्शनाची धुरा फरहाद सामजी सांभाळणार असल्याचं म्हटलं जात आहे. लवकरच या सिनेमाच्या शूटिंगला सुरुवात होणार आहे. अद्याप या सिनेमाची रिलीज डेट समोर आलेली नाही. 'हेरा फेरी 3' हा विनोदी सिनेमा या वर्षात प्रेक्षकांच्या भेटीला येऊ शकतो, अशी शक्यता वर्तवली जात आहे. 'हेरा फेरी'च्या चाहत्यांना या सिनेमाची उत्सुकता आहे.

संबंधित बातम्या