Hardeek Joshi Akshaya Deodhar : येळकोट येळकोट जय मल्हार... राणा दा अन् पाठकबाई जेजुरीच्या खंडोबाच्या दर्शनाला; पाहा व्हिडीओ

Hardeek Joshi Akshaya Deodhar : हार्दिक जोशी आणि अक्षया देवधरने नुकतचं जेजुरीच्या खंडोबाचं दर्शन घेतलं आहे.

Hardeek Joshi Akshaya Deodhar

Hardeek Joshi Akshaya Deodhar : 'तुझ्यात जीव रंगला' म्हणत अभिनेता हार्दिक जोशी (Hardeek Joshi) आणि अभिनेत्री अक्षया देवधर (Akshaya Deodhar) काही महिन्यांपूर्वी लग्नबंधनात अडकले आहेत. लग्नानंतर दोघेही आपापल्या कामांमध्ये व्यस्थ असून वेळ मिळेल तसे देवदर्शनाला जात आहेत. आता त्यांनी नुकतचं जेजुरीच्या खंडोबाचं (Jejuri Khandoba Temple) दर्शन घेतलं आहे. 

हार्दिक जोशीने सोशल मीडियावर जेजुरीच्या खंडोबाचं दर्शन घेतानाचा व्हिडीओ शेअर केला आहे. हार्दिक आणि अक्षया लग्नानंतर पहिल्यांदाच जेजुरी गडावर गेले आहेत. त्यामुळे नवविवाहित जोडप्याला करावे लागणारे विधी त्यांनी पार पाडले आहेत. व्हिडीओ शेअर करत हार्दिकने 'येळकोट येळकोट जय मल्हार' असं कॅप्शन दिलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by HARDEEK JOSHI (Hardik joshi) (@hardeek_joshi)

हार्दिकने शेअर केलेल्या व्हिडीओमध्ये तो त्याच्या लाडक्या पत्नीला अर्थात अक्षयाला उचलून घेत गड चढताना दिसत आहे. गड चढताना दोघांच्याही चेहऱ्यावर आनंद आहे. शिवपंडिची दोघांनी जोड्यानं पूजा आणि अभिषेकही केला. त्यानंतर जेजुरीची पिढ्यांपिढ्या चालत असलेली खंडोबाची 42 किलोची खंडा तलवार हार्दिकनं एका दमात उचलली. खंडा उचलतानाची झलक त्याने शेअर केलेल्या व्हिडीओमध्ये पाहायला मिळत आहे. 

जेजुरीवर हार्दिक-अक्षयाच्या चाहत्यांची मोठी गर्दी

हार्दिक जोशी अर्थात लाडका राणा दा आणि पाठकबाई म्हणजेच अक्षय देवधरचा मोठा चाहतावर्ग आहे. ते गडावर आल्याने त्यांना भेटण्यासाठी आणि त्यांच्यासोबत फोटो काढण्यासाठी चाहत्यांनी जेजुरी गडावर मोठी गर्दी केली होती. पण दोघांनीही चाहत्यांना नाराज न करता त्यांच्यासोबत संवाद साधला फोटो काढले. तसेच आपल्या हाताने चाहत्यांना खंडोबाचा प्रसाद वाटला. 

राणा दा आणि पाठकबाई ही छोट्या पडद्यावरील लोकप्रिय जोडी आहे. 'तुझ्यात जीव रंगला' या मालिकेच्या माध्यमातून ते प्रेक्षकांच्या भेटीला आले. ऑन स्क्रिनप्रमाणे त्यांची ऑफस्क्रीन केमिस्ट्रीही चाहत्यांच्या पसंतीस उतरत आहे. येत्या 2 डिसेंबरला त्यांच्या लग्नाला एक वर्ष पूर्ण होणार आहे. 2 डिसेंबर 2022 रोजी पुण्यातील ढेपे वाढ्यात त्यांचा शाही विवाहसोहळा पार पडला. त्यांच्या लग्नसोहळ्याचे फोटो आणि व्हिडीओ सोशल मीडियावर व्हायरल झाले होते. 

संबंधित बातम्या