Ganapath : 'जब बाप्पा का है उस पे हाथ तब...'; टायगर श्रॉफच्या 'गणपत' सिनेमाचं पोस्टर आऊट
Ganapath Poster : टायगर श्रॉफच्या 'गणपत' या सिनेमाचं पोस्टर आऊट झालं आहे.
Tiger Shroff Ganapath Poster Out : बॉलिवूड अभिनेता टायगर श्रॉफचा (Tiger Shroff) आगामी 'गणपत' (Ganapath) हा सिनेमा सध्या चर्चेत आहे. आता गणेशचतुर्थीनिमित्त (Ganesh Chaturthi 2023) या सिनेमाचं पोस्टर आऊट करण्यात आलं आहे. टायगर श्रॉफने खास पोस्टर शेअर करत 'गणपत' सिनेमाचं पोस्टर शेअर केलं आहे. पोस्टर शेअर करत सिनेमाची रिलीज डेट जाहीर करण्यात आली आहे.
टायगर श्रॉफने शेअर केलं 'गणपत'चं पोस्टर (Tiger Shroff Shared Ganapath Movie Poster)
अभिनेता टायगर श्रॉफने 'गणपत' या सिनेमाचं पोस्टर (Ganapath Poster Out) सोशल मीडियावर शेअर केलं आहे. या पोस्टरमध्ये टायगर श्रॉफ अॅक्शन मोडमध्ये दिसत आहे. तसेच त्याच्या हातावर एक लाल रंगाची पट्टी बांधलेली दिसत आहे. पोस्टर शेअर करत अभिनेत्याने लिहिलं आहे,"उसको कोई क्या रोकेगा...जब बाप्पा का है उसके हाथ...आ रहा है गणपत...करने एक नई दुनिया की शुरुआत...या दसऱ्याला म्हणजेच 20 ऑक्टोबरला सिनेमा प्रदर्शित होईल".
View this post on Instagram
'गणपत' हा पॅन इंडिया सिनेमा आहे. या सिनेमात टायगर श्रॉफ (Tiger Shroff) आणि कृती सेनन (Kriti Sanon) मुख्य भूमिकेत आहेत. या सिनेमाच्या माध्यमातून ते नऊ वर्षांनी एकत्र काम करत आहेत. याआधी 'हीरोपंती' या सिनेमात ते एकत्र झळकले होते. 'हीरोपंती' हा दोघांचाही पहिला सिनेमा होता.
'गणपत' कधी होणार रिलीज? (Ganapath Released Date)
'गणपत' हा सिनेमा 20 ऑक्टोबर 2023 रोजी प्रेक्षकांच्या भेटीला येणार आहे. हिंदी, तामिळ, तेलुगू, मल्याळम आणि कन्नड या भाषांमध्ये सिनेमा जगभरात प्रदर्शित होईल. वाशू भगनानी, जॅकी भगनानी, दीपशिखा देशमुख आणि विकास बहल यांनी या सिनेमाची निर्मिती केली आहे. आता या सिनेमाचं नवं पोस्टर आऊट झाल्याने प्रेक्षकांची सिनेमाबद्दलची उत्सुकता आणखी वाढली आहे.
विकास बहल यांनी 'गणपत' या सिनेमाच्या दिग्दर्शनाची धुरा सांभाळली आहे. या बहुचर्चित सिनेमाची सध्या सर्वत्र चर्चा आहे. 'गणपत' या सिनेमानंतर अभिनेत्याने आगामी सिनेमाच्या शूटिंगला सुरुवात झाली आहे. टायगरच्या आगामी सिनेमाचं नाव 'रेम्बो' असं आहे. तसेच अक्षय कुमारच्या (Akshay Kumar) 'बडे मिया छोटे मिया' या सिनेमातही तो झळकणार आहे.
महत्त्वाच्या बातम्या
ट्रेंडिंग न्यूज
