Ganapath Movie : बापलेकाच्या भूमिकेत दिसणार अमिताभ आणि टायगर ; बहुचर्चित 'गणपत' लवकरच प्रेक्षकांच्या भेटीस

जॅकी श्रॉफ हे टायगरच्या वडीलांची भूमिका साकारणार होते.

amitabh_bachchan_and_Tiger_Shroff

Amitabh Bachchan Play Tiger Shroff Father Role In Ganapath : बॉलिवूडमधील प्रसिद्ध अभिनेता टायगर श्रॉफ (Tiger Shroff) आणि अभिनेत्री  क्रिती सेनन  (Kriti sanon)  यांचा  चर्चेत असणारा चित्रपट गणपत  (Ganapath) लवकरच प्रेक्षकांच्या भेटीस येणार आहे. अशी चर्चा होती की, गणपत या चित्रपटामध्ये टायगरच्या वडीलांची भूमिका जॅकी श्रॉफ साकारणार आहेत. पण आता बॉलिवूडचे महानायक  अमिताभ बच्चन  (Amitabh Bachchan)  हे गणपत या चित्रपटामध्ये टायगरच्या वडीलांच्या भूमिकेत दिसणार आहेत.                     

गणपत चित्रपटाच्या निर्मात्यांनी टायगर श्रॉफच्या वडीलांच्या भूमिकेतसाठी अमिताभ बच्चन यांच्यासोबत कॉन्ट्रॅक्ट  केले आहे. आता या बाप- लेकाच्या जोडीला पाहण्यासाठी प्रेक्षक उत्सुक आहेत. टायगर या चित्रपटामध्ये बॉक्सरच्या भूमिकेत दिसणार आहे. या चित्रपटाची रिलीज डेट चित्रपट निर्मात्यांनी  अजून  जाहिर केलेली नाही. पण हा चित्रपट  2022 मध्ये प्रदर्शित होऊ शकतो ,अशी चर्चा आहे. 

टायगर आणि क्रिती गणपत या चित्रपटाच्या शूटिंगसाठी लंडनला गेले आहेत. चित्रपटाचे चित्रीकरण जवळपास 2 महिने सुरू असणार आहे. टायगर लवकरच 'हिरोपंती 2' या चित्रपटाच्या शूटिंगला सुरूवात करणार आहे. गणपत चित्रपटासाठी तयारी करतानाचे फोटो आणि व्हिडीओ टायगरने सोशल मीडियावर शेअर केले आहेत. 2014 साली हिरोपंती हा चित्रपट प्रदर्शित झालेला. यामध्ये क्रिती आणि टायगरने प्रमुख भूमिका साकारली होती. हिरोपंती या चित्रपटामधून टायगर आणि क्रितीने अभिनय क्षेत्रातमध्ये पदार्पण केले. टयगरच्या बाघी आणि स्टूडंट ऑफ द इयर या चित्रपटांना प्रेक्षकांची पसंती मिळाली तर क्रितीचे मिमी, पानीपत आणि हाऊसफुल-4 हे चित्रपट सुपर हिट ठरले.