Gadar 2 BO Collection: रक्षाबंधनाला सनीच्या ‘गदर 2’चा बॉक्स ऑफिसवर कल्ला; केली एवढी कमाई

'गदर 2' चित्रपटाने रिलीज झाल्यानंतर 20 व्या दिवशी किती कमाई केली? हे जाणून घेऊयात...

Gadar 2 BO Collection

Gadar 2 BO Collection Day 20: अभिनेता सनी देओल (Sunny Deol)  आणि अभिनेत्री अमिषा पटेल (Ameesha Patel) यांच्या गदर 2 (Gadar 2) या चित्रपटानं रक्षाबंधनाला बॉक्स ऑफिसवर धुमाकूळ घातला आहे. रिलीजच्या तिसऱ्या बुधवारी चित्रपटाच्या कमाईत मंगळवारच्या तुलनेत 80 टक्के आणि सोमवारच्या तुलनेत 100 टक्क्यांनी वाढ झाल्याच बघायला मिळत आहे. 'गदर 2' चित्रपटाने रिलीजच्या 20 व्या दिवशी किती कमाई केली? हे जाणून घेऊयात...

रक्षाबंधनाला 'गदर 2' चित्रपट पाहण्यासाठी प्रेक्षकांनी चित्रपटगृहांबाहेर गर्दी केली. त्यामुळे या चित्रपटाच्या कलेक्शनमध्ये वाढ झाली आहे. सॅकनिल्कच्या रिपोर्टनुसार, 'गदर 2' चित्रपटाने रिलीजच्या 20 व्या दिवशी म्हणजेच रक्षाबंधनाला 8.75 कोटी रुपये कमाई केली आहे. यासह आता 'गदर 2' चित्रपटाची एकूण कमाई 474.5 कोटींवर गेली आहे. हा चित्रपट लवकरच 500 कोटींच्या क्लबमध्ये सामील होईल असं म्हटलं जात आहे.

 रक्षाबंधनाच्या निमित्ताने 'गदर 2' च्या निर्मात्यांनी प्रेक्षकांना एक खास ऑफर दिली. रक्षाबंधनाच्या निमित्ताने 'गदर 2'ची 2 तिकिटे विकत घेतल्यावर 2 तिकिटे मोफत देण्यात आली.

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Studios (@zeestudiosofficial)

'गदर 2' हा चित्रपट 2001 मध्ये  रिलीज झालेल्या 'गदर एक प्रेम कथा' या चित्रपटाचा सिक्वेल आहे. 'गदर एक प्रेम कथा' या चित्रपटाला देखील प्रेक्षकांची पसंती मिळाली होती. गदर 2 चित्रपटामध्ये सनी देओलने तारा सिंहची भूमिका साकारली तर अमिषा पटेलने सकिनाची भूमिका साकारली. 'गदर 2'  या चित्रपटात तारा सिंह, त्याचा मुलगा आणि सकिना यांची कथा दाखवण्यात आली आहे.

सनी आणि अमिषासोबतच 'गदर 2' या चित्रपटामध्ये  लव्ह सिन्हा, सिमरित कौर आणि उत्कर्ष शर्मा  या कलाकारांनी देखील प्रमुख भूमिका साकारली आहे.  अनेक सेलिब्रिटींनी तसेच नेटकऱ्यांनी सोशल मीडियावर पोस्ट शेअर करुन या चित्रपटाचं कौतुक केलं आहे. 

आता 'गदर 2' या चित्रपटानंतर सनी देओल  'माँ तुझे सलाम 2'  या चित्रपटामधून प्रेक्षकांच्या भेटीस येणार आहे, असं म्हटलं जात आहे. या सिनेमात सनी देओल (Sunny Deol), तब्बू (Tabu), अरबाज खान (Arbaaz Khan) आणि टिन्नू वर्मा (Teenu Verma) हे कलाकार देखील प्रमुख भूमिकेत दिसणार आहेत. 

संबंधित बातम्या