Kris Wu : प्रसिद्ध पॉपस्टार क्रिस वूला 13 वर्षांचा तुरुंगवास; 17 वर्षीय तरुणीने केला बलात्काराचा आरोप

Kris Wu : लोकप्रिय पॉपस्टार क्रिस वूला बलात्कार प्रकरणी 13 वर्षांची शिक्षा सुनावण्यात आली आहे.

Kris Wu

Kris Wu Sentenced To Jail For Rape : चीनी-कॅनडियन पॉपस्टार क्रिस वूला (Kris Wu) सध्या चर्चेत आहे. शुक्रवारी चीनच्या न्यायालयाने बलात्कार प्रकरणी क्रिसला 13 वर्षांच्या तुरुंगवासाची शिक्षा सुनावली आहे. या घटनेने त्याच्या जगभरातील चाहत्यांना मोठा धक्का बसला आहे. 

18 वर्षीय तरुणीने सोशल मीडियावर पोस्ट शेअर करत क्रिस वू याच्यावर बलात्काराचा आरोप केला. क्रिसने वयाच्या 17 व्या वर्षी तिच्यावर बलात्कार केल्याचं ती म्हणाली होती. आता या प्रकरणी न्यायालयाने क्रिसला दोषी ठरवले असून त्याला 13 वर्षांच्या तुरुंगवासाची शिक्षा सुनावली आहे. 

क्रिस लोकप्रिय गायक असल्याने अनेक मोठ-मोठ्या ब्रॅंड्ससोबत तो काम करत असतो. पण बलात्काराच्या आरोपानंतर अनेक मोठ्या ब्रॅंड्सनी क्रिससोबतची भागीदारी संपवली. यात काही आंतरराष्ट्रीय ब्रॅंड्सचादेखील समावेश होता. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

तरुणीने काय आरोप केले आहेत?

डू मीझू नावाच्या तरुणीने क्रिस वूवर आरोप केले आहेत. दोन वर्षांपूर्वी ती क्रिसला भेटली तेव्हा तिचं वय 17 वर्षे होतं. क्रिसच्या घरी ती एका पार्टीसाठी गेली होती. त्यावेळी तिला जबरदस्तीने दारू पाजण्यात आली असून तिचं लैंगिक शोषण करण्यात आले. 

क्रिसला गेल्या वर्षी डेट-रेपच्या आरोपाखाली पोलिसांनी अटक केली होती. त्यानंतर आणखी 24 मुलींनी पुढे येत क्रिस विरोधात साक्ष दिली होती. मीडिया रिपोर्टनुसार, चीनमध्ये बलात्काराच्या गुन्ह्याची तीन ते 10 वर्षांच्या तुरुंगवासाची शिक्षा असते. पण कधी-कधी जन्मठेप किंवा मृत्यूदंडाची शिक्षादेखील होऊ शकते. क्रिसचा जन्म चीनमध्ये झाला असला तरी तो कॅनडाचा नागरिक आहे. 

संबंधित बातम्या