Ek Villain Returns Box Office: बॉक्स ऑफिसवर फेल झाला ‘एक व्हिलन रिटर्न्स’, एका आठवड्यात अवघी ‘इतकी’ कमाई!

Ek Villain Returns : एक व्हिलन रिटर्न्स’ (Ek Villiain Returns) हा चित्रपट बॉक्स ऑफिसवर सपाटून आपटला आहे. प्रेक्षकांचे मनोरंजन करण्यात हा चित्रपट कमी पडला आहे.

Ek Villain Returns

Source : IMDb

Ek Villain Returns : अभिनेता जॉन अब्राहम (John Abraham), अर्जुन कपूर (Arjun Kapoor), अभिनेत्री दिशा पाटणी (Disha Patani), तारा सुतारिया (Tara Sutaria) अशी तगडी स्टार कास्ट असणारा ‘एक व्हिलन रिटर्न्स’ (Ek Villiain Returns) हा चित्रपट बॉक्स ऑफिसवर सपाटून आपटला आहे. प्रेक्षकांचे मनोरंजन करण्यात हा चित्रपट कमी पडला आहे. चित्रपटाच्या एका आठवड्यातील बॉक्स ऑफिस कलेक्शनच्या आकड्यांनी हा चित्रपट फेल झाल्याचे सिद्ध केले आहे. संपूर्ण आठवडाभरात हा चित्रपट 40 कोटींचा टप्पा देखील गाठू शकलेला नाही.

चित्रपट समीक्षक-विश्लेषक तरण आदर्श यांनी नुकतेच ‘एक व्हिलन रिटर्न्स’च्या पहिल्या आठवड्यातील बॉक्स ऑफिस कलेक्शनचे आकडे जाहीर केले आहेत. या आकड्यांमधून दिसते की, प्रेक्षकांनी या चित्रपटाकडे पाठ फिरवली आहे.

पाहा कलेक्शन :

मोहित सुरी दिग्दर्शित 'एक व्हिलन रिटर्न्स' बॉक्स ऑफिसवर गेल्या शुक्रवारी रिलीज झाला. 'एक व्हिलन रिटर्न्स' हा मोहित सुरीच्या 'एक व्हिलन' या चित्रपटाचा सिक्वेल आहे. 'एक व्हिलन' हा उत्तम चित्रपट होता आणि त्याला प्रेक्षकांचा चांगला प्रतिसाद मिळाला होता. या चित्रपटात सिद्धार्थ मल्होत्रा (Siddharth Malhotra), श्रद्धा कपूर (Shraddha Kapoor) आणि रितेश देशमुख (Riteish Deshmukh) मुख्य भूमिकेत होते. 'एक व्हिलन रिटर्न्स' देखील आधीच्या चित्रपटाप्रमाणेच उत्तम ठरेल, अशी प्रेक्षकांची अपेक्षा होती. मात्र, हा चित्रपट प्रेक्षकांना फारसा आवडला नाही. पहिल्या दिवसापासून हा चित्रपट फारशी कमाई करताना दिसला नाही.

40 कोटींचा टप्पाही गाठता आला नाही!

‘एक व्हिलन रिटर्न्स’ पहिल्या आठवड्यात बॉक्स ऑफिसवर अपयशी ठरला आहे. ट्रेड अॅनालिस्ट तरण आदर्श यांनी प्रसिद्ध केलेल्या 'एक व्हिलन रिटर्न्स'च्या कमाईच्या आकड्यांनुसार, या चित्रपटाने पहिल्या आठवड्यात एकूण 32.92 कोटींचा व्यवसाय केला आहे. पहिल्या वीकेंडनंतर 'एक व्हिलन रिटर्न्स'च्या कलेक्शनच्या आकडेवारीत सातत्याने घट होताना दिसत आहे.

शुक्रवारी 7.05 कोटींची कमाई करत रिलीज झालेल्या या चित्रपटाने शनिवारी आणि रविवारी 7.47 आणि 9.02 कोटी रुपयांची कमाई केली. सोमवारी या चित्रपटाने केवळ 3 कोटींची कमाई केली आणि तेव्हापासून चित्रपटाचा आलेख सातत्याने खाली घसरत आहे.

‘विक्रांत रोणा’ने मारली बाजी!

‘एक व्हिलन रिटर्न्स’ हा सस्पेन्स थ्रिलर चित्रपट आहे. चित्रपटातील सर्व स्टार्स खलनायकाच्या भूमिकेत दिसले आहेत. ग्रे कॅरेक्टर असणाऱ्या या कलाकारांच्या अभिनयाला प्रेक्षकांची हवी तितकी पसंती मिळत नाहीये. पण, चित्रपटांमधील गाण्यांना मात्र प्रेक्षकांची विशेष पसंती मिळाली आहे. किच्चा सुदीपच्या ‘विक्रांत रोणा’ या चित्रपटासोबत 'एक व्हिलन रिटर्न्स' ची बॉक्स ऑफिसवर टक्कर झाली. ‘विक्रांत रोणा’ हा चित्रपट देखील सध्या बॉक्स ऑफिसवर चांगलाच धुमाकूळ घालत आहे. मात्र, या चित्रपटासमोर ‘एक व्हिलन रिटर्न्स’ काहीसा फिका पडला आहे.

हेही वाचा: