Ek Villain Returns Box Office Collection 4 : ‘एक व्हिलन रिटर्न्स’ बॉक्स ऑफिसवर संथच! चार दिवसांत कमावले अवघे इतके कोटी
Ek Villain Returns : 'एक व्हिलन' चित्रपटाचा सिक्वेल 'एक व्हिलन रिटर्न्स' (Ek Villain Returns ) नुकताच प्रेक्षकांच्या भेटीला आला आहे.
Ek Villain Returns : 'एक व्हिलन' चित्रपटाचा सिक्वेल 'एक व्हिलन रिटर्न्स' (Ek Villain Returns ) नुकताच प्रेक्षकांच्या भेटीला आला आहे. या चित्रपटात जॉन अब्राहम (John Abraham), अर्जुन कपूर (Arjun Kapoor), तारा सुतारिया (Tara Sutaria) आणि दिशा पाटनी (Disha Patani) अशी तगडी स्टारकास्ट आहे. हा चित्रपट बॉक्स ऑफिसवर संथ गतीने सुरु आहे. ‘एक व्हिलन रिटर्न्स’ चित्रपट 29 जुलै रोजी थिएटरमध्ये रिलीज झाला आहे. मोहित सुरी दिग्दर्शित हा चित्रपट बॉक्स ऑफिसवर आपली जादू दाखवण्यात कमी पडला आहे. चार दिवसांत या चित्रपटाची एकूण कमाई जवळपास 26.56 कोटींवर गेली आहे.
‘एक व्हिलन रिटर्न्स’ने चौथ्या दिवशी 3.02 कोटी रुपये इतके कलेक्शन केले आहे. 'एक व्हिलन रिटर्न्स'ने पहिल्या दिवशी बॉक्स ऑफिसवर 7.05 कोटींची कमाई केली, तर दुसऱ्या दिवशी या चित्रपटानं 7.47 कोटी कमावले आहेत. तिसऱ्या दिवशी या चित्रपटाने 9.02 कोटींचा गल्ला जमवला आहे. या चित्रपटानं आत्तापर्यंत जवळपास 26.56 कोटींची कमाई केली आहे.
पाहा एकूण कलेक्शन :
‘एक व्हिलन रिटर्न्स’ हा चित्रपट सुमारे 80 कोटींच्या बजेटमध्ये बनला आहे. एक व्हिलन रिटर्न्सच्या स्टारकास्टमध्ये जॉन अब्राहम, अर्जुन कपूर, तारा सुतारिया आणि दिशा पाटणी यांचा समावेश आहे. या चित्रपटाचा सीक्वल मोहित सुरी यांनी दिग्दर्शित केला आहे आणि टी-सीरीज व बालाजी टेलिफिल्म्सने निर्मिती केली आहे. 'एक व्हिलन' हा चित्रपट 27 जून 2014 रोजी प्रदर्शित झाला होता. रितेश देशमुख, सिद्धार्थ मल्होत्रा आणि श्रद्धा कपूर यांनी 'एक व्हिलन' या चित्रपटामध्ये काम केलं होतं. आता आठ वर्षांनंतर त्याचा हा दुसरा भाग प्रेक्षकांच्या भेटीला आला आहे.
बॉक्स ऑफिसवर कमाईत पडला मागे!
‘एक व्हिलन रिटर्न्स’ हा सस्पेन्स थ्रिलर चित्रपट आहे. चित्रपटातील सर्व स्टार्स खलनायकाच्या भूमिकेत दिसले आहेत. ग्रे कॅरेक्टर असणाऱ्या या कलाकारांच्या अभिनयाला प्रेक्षकांची हवी तितकी पसंती मिळत नाहीये. पण, चित्रपटांमधील गाण्यांना मात्र प्रेक्षकांची विशेष पसंती मिळाली आहे. किच्चा सुदीपच्या ‘विक्रांत रोणा’ या चित्रपटासोबत 'एक व्हिलन रिटर्न्स' ची बॉक्स ऑफिसवर टक्कर झाली. ‘विक्रांत रोणा’ हा चित्रपट देखील सध्या बॉक्स ऑफिसवर चांगलाच धुमाकूळ घालत आहे. मात्र, या चित्रपटासमोर ‘एक व्हिलन रिटर्न्स’ काहीसा फिका पडला आहे.
हेही वाचा:
महत्त्वाच्या बातम्या
ट्रेंडिंग न्यूज
