Dunki Box Office Collection Day 4 : वीकेंडला बॉक्स ऑफिसवर दिसली शाहरुखची जादू; 'डंकी'ने पार केला 100 कोटींचा टप्पा
Dunki Box Office Collection : शाहरुख खानच्या (Shah Rukh Khan) 'डंकी' या सिनेमाने बॉक्स ऑफिसवर 100 कोटींचा टप्पा पार केला आहे.
Dunki Box Office Collection Day 4 : बॉलिवूडचा बादशाह शाहरुख खान (Shah Rukh Khan) सध्या त्याच्या आगामी 'डंकी' (Dunki) या सिनेमामुळे चर्चेत आहे. बॉक्स ऑफिसवर दिवसेंदिवस हा सिनेमा चांगलाच धमाका करत आहे. वीकेंडला बॉक्स ऑफिसवर किंग खानच्या 'डंकी'ची जादू दिसली आहे. 'डंकी'ने 100 कोटींचा टप्पा पार केला आहे.
'डंकी'चं बॉक्स ऑफिस कलेक्शन जाणून घ्या... (Dunki Box Office Collection)
सॅकनिल्क एंटरटेनमेंटच्या रिपोर्टनुसार, 'डंकी' या सिनेमाने रिलीजच्या पहिल्या दिवशी अर्थात ओपनिंग डेला 29.2 कोटींची कमाई केली आहे. दुसऱ्या दिवशी 31.10 कोटी, तिसऱ्या दिवशी 27.29 कोटी आणि चौथ्या दिवशी 31.50 कोटींची कमाई केली आहे. एकंदरीतच रिलीजच्या चार दिवसांत या सिनेमाने 106.43 कोटींचा गल्ला जमवला आहे.
'पठाण' (Pathaan) आणि 'जवान' (Jawan) या सिनेमाचा रेकॉर्ड 'डंकी'ला (Dunki) या सिनेमाला पार करता आला नाही. कौटुंबिक नाट्य असलेल्या 'डंकी' या सिनेमाला प्रेक्षकांचा सकारात्मक प्रतिसाद मिळत आहे. रिलीजच्या चार दिवसांत या सिनेमाने 100 कोटींचा टप्पा पार केला आहे. शाहरुखच्या त्याच्याच 'पठाण' (Pathaan) आणि 'जवान' (Jawan) या सिनेमाचा रेकॉर्ड ब्रेक करता आलेला नाही.
'जवान' या सिनेमाने रिलीजच्या चौथ्या दिवशी 95.8 कोटींची कमाई केली आहे. तर पठाणने चौथ्या दिवशी 53.25 कोटींचं बॉक्स ऑफिस कलेक्शन जमवलं आहे. तसेच 'डंकी' या सिनेमाने चौथ्या दिवशी 31 कोटींचा गल्ला जमवला आहे.
View this post on Instagram
'डंकी' या सिनेमाच्या दिग्दर्शनाची धुरा राजकुमार हिरानी (Rajkumar Hirani) यांनी सांभाळली आहे. शाहरुख खानसह (Shah Rukh Khan) या सिनेमात तापसी पन्नू, विकी कौशल, बोमन ईरानीसह अनेक कलाकार या सिनेमात महत्त्वाच्या भूमिकेत आहेत.
'डंकी'चं राष्ट्रपती भवनात होणार विशेष स्क्रीनिंग
'डंकी' या सिनेमाचं राष्ट्रपती भवनात स्पेशल स्क्रीनिंग आयोजित करण्यात आलं आहे. जिओ स्टुडिओ, रेड चिलीज एंटरटेनमेंटच्या बॅनरअंतर्गत राजकुमार हिरानी आणि गौरी खानने या सिनेमाची निर्मिती केली आहे. अभिजात जोशी, राजकुमार हिरानी आणि कनिका ढिल्लो यांनी या सिनेमाची कथा लिहिली आहे. 'जवान' आणि 'पठाण'नंतर शाहरुखचा 'डंकी' किती कोटींचा गल्ला जमवणार याकडे सर्वांचं लक्ष लागलं आहे.
संंबंधित बातम्या
Dunki Box Office Collection Day 2 : शाहरुखची जगभर चर्चा! रिलीजच्या दुसऱ्याच दिवशी 'डंकी'च्या कमाईत घसरण
महत्त्वाच्या बातम्या
ट्रेंडिंग न्यूज
