![metaverse](https://cdn.abplive.com/imagebank/metaverse-top.png)
Digpal Lanjekar: दिग्पाल लांजेकरांनी पाच मिनिटात लिहिलेलं ‘आले मराठे आले मराठे’ गाणं आलं प्रेक्षकांच्या भेटीस; सुभेदार चित्रपटातील गाण्याला मिळतीये नेटकऱ्यांची पसंती
सुभेदार या चित्रपटामधील ‘आले मराठे आले मराठे’ (Aale Marathe Aale Marathe) हे गाणं प्रेक्षकांच्या भेटीस आलं आहे.
![Digpal Lanjekar: दिग्पाल लांजेकरांनी पाच मिनिटात लिहिलेलं ‘आले मराठे आले मराठे’ गाणं आलं प्रेक्षकांच्या भेटीस; सुभेदार चित्रपटातील गाण्याला मिळतीये नेटकऱ्यांची पसंती Digpal Lanjekar movie Subhedar Song Aale Marathe Aale Marathe releese Digpal Lanjekar: दिग्पाल लांजेकरांनी पाच मिनिटात लिहिलेलं ‘आले मराठे आले मराठे’ गाणं आलं प्रेक्षकांच्या भेटीस; सुभेदार चित्रपटातील गाण्याला मिळतीये नेटकऱ्यांची पसंती](https://feeds.abplive.com/onecms/images/uploaded-images/2023/07/27/330b7a09691fa94cf038f04e707b46cc1690463829279259_original.jpeg?impolicy=abp_cdn&imwidth=1200&height=675)
Aale Marathe Aale Marathe Song: दिग्दर्शक दिग्पाल लांजेकर (Digpal Lanjekar) यांचा 'सुभेदार' (Subhedar) हा चित्रपट लवकरच प्रेक्षकांच्या भेटीस येणार आहे. अभिनेते अजय पुरकर (Ajay Purkar) हे सुभेदार या चित्रपटात तानाजी मालुसरे यांची भूमिका साकारणार आहेत. या चित्रपटामधील 'मावळं जागं झालं रं...' हे गाणं काही दिवसांपूर्वी प्रेक्षकांच्या भेटीस आलं होतं. आता सुभेदार या चित्रपटामधील ‘आले मराठे आले मराठे’ (Aale Marathe Aale Marathe) हे गाणं रिलीज झालं आहे. या गाण्याला युट्यूबवर नेटकऱ्यांचा चांगला प्रतिसाद मिळत आहे.
दिग्पाल लांजेकरांना पाच मिनिटात लिहिलं गाणं
‘आले मराठे आले मराठे’ हे गाणं दिग्पाल लांजेकर यांनी अवघ्या पाच मिनिटात लिहिलं आहे. दिग्पाल यांनी लिहिलेल्या या गाण्याला सध्या नेटकऱ्यांची पसंती मिळत आहे. युट्यूबवर या गाण्याला अवघ्या चार तासात 57 हजारपेक्षा जास्त व्ह्यूज मिळाले आहेत. तसेच अनेकांनी या गाण्याला कमेंट करुन गाण्याचं कौतुक केलं आहे. तसेच अनेक नेटकऱ्यांनी या गाण्याला लाइक देखील केलं आहे.
नेटकऱ्यांच्या कमेंट्स
'किती दिवस या गाण्याची वाट पाहत होतो. अखेर आतुरता संपली. खूपच अप्रतिम lyrics आहेत. जय शिवराय.' अशी कमेंट एका नेटकऱ्यानं ‘आले मराठे आले मराठे’ या गाण्याला केली आहे. तर दुसऱ्या युझरनं कमेंट केली, 'खरोखरच रक्त उसळवणारे गाणे आहे.'
View this post on Instagram
'सुभेदार' 18 ऑगस्ट रोजी येणार प्रेक्षकांच्या भेटीस
'फर्जंद' (Farzand), 'फत्तेशिकस्त' (Fatteshikast), 'पावनखिंड' (Pawankhind) आणि 'शेर शिवराज' (Sher Shivraj) या दिग्पाल लांजेकर यांच्या चित्रपटांना प्रेक्षकांची पसंती मिळाली. आता दिग्पाल लांजेकर यांच्या 'सुभेदार' या आगामी चित्रपटाची प्रेक्षक उत्सुकतेने वाट बघत आहेत. 'सुभेदार' हा चित्रपट 18 ऑगस्ट रोजी प्रेक्षकांच्या भेटीस येणार आहे.
काही दिवसांपूर्वी अजय पुरकर यांच्या 'सुभेदार' चित्रपटामधील लूकचा फोटो सोशल मीडियावर शेअर करण्यात आला होता. हातात तलवार, नजरेत धगधगनारी आग अशा त्यांच्या लूकने सर्वांचं लक्ष वेधून घेतलं होतं. अभिनेता चिन्मय मांडलेकर या चित्रपटात छत्रपती शिवाजी महाराजांच्या भूमिकेत दिसणार आहे.
संबंधित बातम्या
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)