Dhaakad Vs Bhool Bhulaiyaa 2 : कंगना आणि कार्तिकची बॉक्स ऑफिसवर टक्कर, ‘धाकड’ विरुद्ध ‘भुलभुलैया 2’! कोण मारणार बाजी?

Dhaakad Vs Bhool Bhulaiyaa 2 : बॉलिवूडची ‘पंगा क्वीन’ अभिनेत्री कंगना रनौत (Kangana Ranaut) हिचा 'धाकड' (Dhaakad) आणि अभिनेता कार्तिक आर्यनचा 'भूल भुलैया 2' हे चित्रपट आज (20 मे) थिएटरमध्ये रिलीज झाले आहेत.

Dhaakad Vs Bhool Bhulaiyaa 2

Dhaakad Vs Bhool Bhulaiyaa 2 : बॉलिवूडची ‘पंगा क्वीन’ अभिनेत्री कंगना रनौत (Kangana Ranaut) हिचा 'धाकड' (Dhaakad) आणि अभिनेता कार्तिक आर्यनचा 'भूल भुलैया 2' हे चित्रपट आज (20 मे) थिएटरमध्ये रिलीज झाले आहेत. या दोन्ही चित्रपटांबद्दल प्रेक्षक खूप उत्सुक आहेत. तसेच, बॉक्स ऑफिसवर कंगना आणि कार्तिक यांच्यापैकी कोण बाजी मारतो, हे पाहणे देखील लक्षवेधी ठरणार आहे. आजचा दिवस मोठ्या पडद्यावर प्रेक्षकांचं भरपूर मनोरंजन करणारा ठरणार आहे.

एकीकडे कंगनाचे चाहते तिच्या ‘धाकड’ या चित्रपटाची आतुरतेने वात पाहत होते. या चित्रपटाची शूटिंग सुरु झाल्यापासून कंगना प्रचंड चर्चेत होती. तर, दुसरीकडे अक्षय कुमार याच्या अभिनयाने गाजलेल्या ‘भूलभुलैया’ या चित्रपटाचा सिक्वेल प्रेक्षकांच्या भेटीला आला आहे. ‘भूल भुलैया 2’ या चित्रपटात अभिनेता कार्तिक आर्यन मुख्य भूमिकेत दिसणार आहे. तुम्ही देखील कोणता चित्रपट आधी पाहावा या विचारात असाल, तर आधी या चित्रपटांची पार्श्वभूमी जाणून घेऊया..

‘धाकड'

‘पंगा’ क्वीन’ कंगना रनौत हिचा 'धाकड' हा चित्रपट एक बॉलिवूड अॅक्शन ड्रामा आहे, ज्याचे दिग्दर्शन रजनीश घई यांनी केले आहे. या चित्रपटात कंगना रनौत, अर्जुन रामपाल आणि दिव्या दत्ता यांच्या प्रमुख भूमिका आहेत. या चित्रपटात कंगना ‘रॉ एजंट’ची भूमिका साकारत आहे. जर, तुम्हाला अॅक्शन आणि मारधाड आवडत असेल, तर कंगनाचा हा चित्रपट आधी पाहणे योग्य ठरेल.

'भूल भुलैया 2'

'भूल भुलैया 2' हा प्रियदर्शन दिग्दर्शित 2007मध्ये आलेल्या 'भूल भुलैया' या हॉरर कॉमेडी चित्रपटाचा सिक्वेल आहे. अनीस बज्मी या चित्रपटाचे दिग्दर्शन करत आहेत. ‘भूल भुलैया 2’मध्ये कार्तिक आर्यन, तब्बू, कियारा अडवाणी आणि राजपाल यादव यांच्या प्रमुख भूमिका आहेत. जर, तुम्ही देखील मोंजोलिकाचे चाहते असाल आणि अक्षय कुमारचा ‘भूल भुलैया’ तुमचा आवडता चित्रपट असेल, तर हा चित्रपट आधी पाहणे तुम्हाला नक्कीच आवडेल. शिवाय ज्यांना विनोदी चित्रपट पहायचे आहेत, ते देखील हा चित्रपट पाहू शकतात.

हेही वाचा :